Sýretti túsirgen – Aqádil Rysmahan
Keıingi jyldary Prezıdent tapsyrmasyn júzege asyrý maqsatynda óńirde birshama jumys atqarylyp jatyr. Birer kún buryn óńirde «Jaıly mektep» ulttyq jobasy aıasynda tórtinshi mektep paıdalanýǵa berildi. Elimizdegi eń iri shaǵyn aýdan sanalatyn «Uly daladaǵy» №69 jańa bilim nysany ýaqyt talabyna saı boı kótergen.
«Jaıly mektep» ulttyq jobasy aıasynda salynǵan jańa nysannyń ashylý saltanatyna qatysqan oblys basshysy Erbol Qarashókeev óńirdiń bilim salasyn damytý úshin irgeli ister qolǵa alynatynyn jetkizdi.
«Prezıdent Qasym-Jomart Toqaevtyń tikeleı tapsyrmasy negizinde qolǵa alynǵan «Jaıly mektep» ulttyq jobasy aıasynda elimizdiń barlyq qıyrynda bilim oshaqtary salynyp jatqany belgili. Bul jumys Jambyl oblysynda da óz deńgeıinde atqarylyp jatyr.
О́tken jyly óńirde úsh jaıly mektep boı kóterdi. Al bıyl Taraz qalasy Shóldala turǵyn alabynda bir, Qordaı aýdanynda eki jaıly mektep ashylady dep josparlap otyrmyz. Bir sózben aıtqanda, óńirdiń bilim salasyn órkendetý úshin qoldan kelgen jumystyń bárin isteımiz», deıdi E. Qarashókeev.
Jańa úlgidegi mektepte 97 kabınet, 3 sheberhana, 6 zerthana, 4 kompıýterlik synyp, horeografııalyq zaldar, kovorkıng-ortalyqtar, úlken ashana jáne 4 sport zal qarastyrylǵan. Synyptarda ınteraktıvti taqtalar ornatylǵan. Bilim uıasynda 1310 oqýshy oqıdy.
2000 balaǵa arnalǵan mektep oqýshylarynyń IT-quzyretin, ǵylymı jáne shyǵarmashylyq áleýetin qoldaý úshin zamanaýı robottehnıka kabınetterimen jáne STEM-zerthanalarmen jabdyqtalǵan, sonymen birge beınebaqylaý júıelerimen qamtamasyz etilgen.
Oqý ordasynda ınklıýzıvti bilimge jiti kóńil bólingen. Erekshe qajettilikteri bar balalar úshin pandýstar, lıftiler, sanıtarlyq toraptar jáne ınklıýzıvti bilim kabıneti qarastyrylǵan.
«Biz 2025 jylǵa deıin 800 myń balanyń zamanaýı mektepte oqýyna jaǵdaı jasaımyz. Osylaısha, apatty jaǵdaıdaǵy jáne úsh aýysymmen oqıtyn oqýshylar úshin mektep máselesin tolyǵymen sheshemiz. Bul aýyl jáne qala mektepteriniń aıyrmashylyǵyn edáýir azaıtady. Jalpy, mektep salý Úkimet pen ákimdikter úshin basty mindettiń biri bolýy kerek», degen Prezıdenttiń sózi jadymyzda.
Derekke sensek, osy jyly óńirde 26 bilim nysanynyń qurylysy josparlanypty. Onyń 21-i (11 mektep, 10 qosymsha ǵımarat) jyl sońyna deıin paıdalanýǵa berilmek. Qolǵa alynǵan jumys arqyly bilim salasyndaǵy ótkir máseleniń bir túıini sheshile me, joq pa? Ony jyl sońynda baǵamdaı jatarmyz. Bir anyǵy, osy jyly Memleket basshysynyń tapsyrmasyna sáıkes úsh aýysymdy bilim máselesi men apatty jaǵdaıdaǵy mektepterdiń sharýasy sheshimin tabýǵa tıis.
Taraz
