Forýmǵa Qazaqstan, О́zbekstan, Qyrǵyzstan, Ázerbaıjan, Tájikstan, Túrikmenstan, Ulybrıtanııa, Qytaı, Katar, Reseı jáne basqa da elderden jýrnalıster, medıa kompanııa basshylary, saıasatkerler, halyqaralyq uıymdardyń ókilderi men bedeldi sarapshylardan turatyn 700-den astam qatysýshy jınaldy.
Forýmnyń maqsaty – Ortalyq Azııa medıa ókilderi men halyqaralyq seriktester arasyndaǵy yntymaqtastyqty nyǵaıtý, sıfrlyq transformasııanyń óńirlik aqparattyq keńistikke áserin talqylaý, sondaı-aq klımattyń ózgerýi men geosaıası turaqsyzdyq sııaqty jahandyq syn-qaterlerdi qarastyrý.
Forým Ortalyq Azııa elderiniń aqparat mınıstrleriniń jumys baby boıynsha kezdesýinen bastaldy. Spıkerler qatarynda – Mádenıet jáne aqparat mınıstri Aıda Balaeva, О́zbekstan, Qyrǵyzstan, Tájikstan salalyq vedomstvolarynyń ókilderi jáne óńirdiń negizgi medıa qurylymdarynyń jetekshileri bar.
Is-sharanyń ashylý rásiminde Aıda Balaeva forýmdy aqparattyq yntymaqtastyqqa arnalǵan biregeı alań ekenin atap ótip, Ortalyq Azııa memleketteri basshylarynyń bastamasy arqasynda birlesken medıajobalar jasaý men gýmanıtarlyq baılanystardy nyǵaıtý jumystary jandana túskenin aıtty.
«Búgingi forým ózekti máselelerdi ashyq talqylap qana qoımaı, aımaqtaǵy birlesken aqparattyq jumystyń ortaq tásilderin ázirleı alatyn biregeı alańǵa aınaldy. Ortalyq Azııa kóshbasshylary deńgeıinde aqparattyq saladaǵy yntymaqtastyqty jandandyrý máselesi birneshe ret talqylanǵany málim. Byltyr Astanada ótken Konsýltatıvtik kezdesýde Prezıdentimiz Qasym-Jomart Toqaev birlesken medıaónimder jasaý týraly bastama kóterdi.
Qazaqstan Ortalyq Azııanyń ortaq telearnasyn qurý jáne aımaqtyń áleýeti, osy aýmaqta turatyn halyqtardyń dostyǵy men birligi týraly habardar etetin telejobalardy, sondaı-aq bizdiń halyqtarymyzdyń tarıhy men ereksheligi týraly tanymdyq tele-radıo baǵdarlamalar toptamasyn daıyndaý ıdeıasyn qoldady.
Osylaısha, qazirgi ýaqytta Ortalyq Azııa elderi óńirdegi aqparattyq yntymaqtastyqty nyǵaıtýǵa baǵyttalǵan birlesken telearna men óńirlik medıaplatformany iske qosý múmkindigin qarastyryp jatyr», dedi mınıstr.
Sonymen qatar Aıda Balaeva Ortalyq Azııadaǵy gýmanıtarlyq yntymaqtastyqtyń jańa deńgeıge kóterilgenin atap ótti. Birlesken medıajobalar júzege asyrylyp jatyr. Atap aıtsaq, Astanada «Euronews»-tiń Ortalyq Azııa boıynsha ókildigi ashyldy, mádenıet kúnderi ótkizilip, arnalar translıasııasy keńeıip jatyr, kreatıvti ındýstrııa damyp keledi jáne jalǵan aqparatpen kúres jumystary kúsheıtilip jatyr.
Sondaı-aq aqparattyq yntymaqtastyqty odan ári nyǵaıtý jáne medıa salasyndaǵy ózara baılanysty damytý maqsatynda birqatar jobalar talqylanyp, josparlandy. Olardyń qatarynda – Ortalyq Azııa jýrnalıstıka akademııasyn qurý, kreatıvti ındýstrııany damytý, óńirlik jýrnalıstıka syılyǵyn taǵaıyndaý, jańa telejobalardy iske asyrý jáne óńir elderiniń kontentin halyqaralyq medıaplatformalarda keńinen tanytý máseleleri bar.
Forýmnyń tústen keıingi bóliminde bolashaq aqparattyq keńistikti qalyptastyrý, jasandy ıntellekt pen kóp derekter dáýirindegi medıa salasynyń sıfrlyq transformasııasy, eldiń ımıdjin qalyptastyrýdaǵy áleýmettik jelilerdiń róli jáne basqa da máseleler qarastyrylady.
Forým 17 sáýir kúni de jalǵasady. Ekinshi kúni respýblıkalyq jáne Ortalyq Azııa medıa ókilderi men joǵary oqý oryndary stýdentterine arnalǵan sheberlik sabaqtary ótedi. Spıkerler qatarynda – Ulybrıtanııa, AQSh jáne Reseıden kelgen tanymal sarapshylar bar.
