Foto: Vıktor Fedıýnın / Kazinform
Byltyr Astanada ótken Konsýltatıvtik kezdesýde Memleket basshysy Qasym-Jomart Toqaev Ortalyq Azııa elderimen birlesken medıaónimder jasaý týraly bastama kótergen edi. Soǵan oraı A.Balaeva ortaq telearna qurý jáne aımaqtyń áleýeti, osy aýmaqta turatyn halyqtardyń dostyǵy men birligi týraly habardar etetin telejobalardy, sondaı-aq týysqan halyqtardyń tarıhy men ereksheligi týraly tanymdyq tele-radıo baǵdarlamalar toptamasyn daıyndaý ıdeıasyn jetkizdi.
«Ortalyq Azııa elderiniń medıa salasyndaǵy yntymaqtastyǵy da josparly túrde jańa deńgeıge kóterilip keledi. Máselen, Qazaqstannyń Mádenıet jáne aqparat mınıstrligi men О́zbekstannyń Aqparat jáne buqaralyq kommýnıkasııalar agenttigi arasynda 2025 jylǵa deıingi ózara is-qımyl josparyna qol qoıyldy. Jospar medıakontent almasýdy, jýrnalısterge arnalǵan trenıngter men semınarlar ótkizýdi, baspasóz hatshylarynyń biliktiligin arttyrýdy, jas mamandardy qoldaýdy jáne jalǵan aqparatpen birlesip kúresýdi qamtıdy. Sondaı-aq taraptar tájirıbe almasý jáne kásibı baılanystardy damytý maqsatymen eki eldiń jýrnalısteri úshin baspasóz týrlaryn uıymdastyrý týraly sheshim qabyldady. Ortalyq Azııanyń barlyq elin osy úderiske qatysýǵa shaqyramyz.», dedi mınıstr.
