Mınıstr óz sózinde ózara tájirıbe almasý jáne sala mamandarynyń biliktiligin arttyrý úshin óńirlik forýmdar, semınarlar, trenıngter, sheberlik klastaryn, baspasóz týrlaryn ótkizýdiń mańyzdylyǵyn jetkizdi. Soǵan oraı tómendegi bastamalardy talqylaýǵa usyndy:
- Elderdiń ǵylymı jáne bilim berý áleýetin biriktire otyryp, Ortalyq Azııa jýrnalıstıka akademııasyn qurý;
- Jastardyń daryndy ókilderi úshin shyǵarmashylyq ortalyǵy bolýdy kózdeıtin Ortalyq Azııa kreatıvti habyn qurý;
- Úzdik jumystardy atap ótýge jáne laıyqty jýrnalıster men kontentmeıkerlerdiń eńbegin tanýǵa múmkindik beretin jýrnalıstıka salasyndaǵy Ortalyq Azııa syılyǵyn taǵaıyndaý;
- «Bizdiń adamdar» telejobasyn iske qosý, ol arqyly biz bir-birimizge qoǵamymyzdyń eń laıyqty ókilderi, turatyn eline jáne qarym-qatynas tiline qaramastan, jastardy shabyttandyratyn jáne olarǵa ónege bolatyn tulǵalar týraly áńgimeleımiz;
- «Naýryzǵa» arnalǵan telekópir uıymdastyrý, bul bizdiń elderimizge osy ortaq mereke kúnderi birige túsýge múmkindik beredi;
- Baýyrlas elderimizdiń telearnalary úshin teleónimderdi qoljetimdi etý, serıaldar jáne ózge de ónimder úshin eń tómengi tólemdi belgileý nemese ony múldem alyp tastaý;
- Birlesken týrızm men ınvestısııany tanymal etýge baǵyttalǵan birlesken kontenttiń kólemin ulǵaıtý;
- Osy jyldyń kúzinde «Mıpkom» (MIPCOM) teleónimderiniń eń tanymal kórmesinde «Central Asia» brendimen biryńǵaı alań usyný;
- Telearnalar Ortalyq Azııa elderindegi áriptesteriniń ótinimderi boıynsha túsirilimderdi óteýsiz negizde júzege asyratyn alań qurý, bul sheteldik tilshiler pýnktterin ustaýǵa arnalǵan shyǵystardy azaıtýǵa múmkindik beredi.
