Qazaqstannyń erler quramasy atalǵan jarysta toǵyz júlde jeńip aldy. Tarqatyp aıtsaq, Baǵlan Kenjebek (54 kg) pen Nurbek Mursal (71 kg) teńdessiz dep tanylsa, Sanjaráli Begalıev (75 kg) fınalda utyldy. Nurǵısa Turabekov (48 kg), Jandáýlet Sársenbaev (54 kg), Erhan Turdan (57 kg), Dýlat Bekbaýov (67 kg), Asylhan Kósherbaı (67 kg) jáne Dáýren Mamyr (86 keli) qolaǵa qol sozdy.
Sol sekildi áıelder komandasy da toǵyz medaldi ıelendi. Burymdylar básekesinde Elına Bazarova (54 kg) men Vıktorııa Baıdýkova (57 kg) altynnan alqa taqty. Anja Sádýaqasova (52 kg) kúmispen kúptelse, Gúlnaz Bóribaeva (48 kg), Elıanur Turǵanova (50 kg), Tomırıs Myrzaqul (52 kg), Symbat Álıasqar (54 kg), Ázıza Isına (70 kg) jáne Dına Islambekova (+81 kg) úzdik úshtikti túıindedi.
