Sýretti túsirgen – Erlan OMAR, «EQ»
Reıtıngtik baǵalaýǵa menshik nysanyna, beıindik baǵytyna qaramastan 20 óńirdegi 772 medısınalyq uıym tańdalǵan. Onyń ishinde ǵylymı zertteý ınstıtýttary, ǵylymı ortalyqtar, eresekterge arnalǵan kópbeıindi stasıonarlar, balalarǵa arnalǵan kópbeıindi stasıonarlar, bosandyrý uıymdary, MSAK kórsetetin medısınalyq uıymdar, onkologııalyq ortalyqtar, dıspanserler, týberkýlezge qarsy dıspanserler, ftızıopýlmonologııa ortalyqtary, psıhıkalyq densaýlyq ortalyqtary, aýdandyq aýrýhanalar qamtylǵan.
Ádistemege sáıkes, reıtıngti esepteý kezinde 14 klınıkalyq ındıkator, akkredıtteý týraly aqparat, negizdelgen shaǵymdardyń sany týraly málimetter eskerilgen. Respýblıkanyń 17 ǵylymı zertteý ınstıtýty men ǵylymı ortalyǵynyń ishinde Almatydaǵy «Akýsherlik, gınekologııa jáne perınatologııa ǵylymı ortalyǵy» AQ, «A.Syzǵanov atyndaǵy Ulttyq hırýrgııa ǵylymı ortalyǵy» AQ, sonymen qatar Astanadaǵy «Ulttyq ǵylymı medısınalyq ortalyq» AQ reıtıngke qatysqan ǵylymı zertteý ınstıtýttarynyń arasynda kóshbasshy dep tanyldy.
15 onkologııa ortalyǵynyń arasynda klınıkalyq ındıkatorlar men menedjment kórsetkishteri boıynsha Almaty qalasynyń Densaýlyq saqtaý basqarmasy «Almaty onkologııa ortalyǵy» mekemesi, «Qazaq onkologııa jáne radıologııa ǵylymı zertteý ınstıtýty» aksıonerlik qoǵamy, Shyǵys Qazaqstan oblystyq kópbeıindi «Onkologııa jáne hırýrgııa ortalyǵy» úzdik atandy.
Eresekterge arnalǵan 84 kópbeıindi stasıonardyń ishinde medısınalyq kómek kórsetý deńgeıi boıynsha Qaraǵandy qalasynyń №1 kópbeıindi aýrýhanasy, Qonaev qalasynyń kópbeıindi qalalyq aýrýhanasy, Astana qalasy ákimdiginiń №2 kópbeıindi qalalyq aýrýhanasy úzdikterdiń aldy boldy.
24 kópbeıindi balalar stasıonarynyń ishinde Almaty qalasynyń №2 balalar qalalyq klınıkalyq aýrýhanasy, Qyzylorda oblysynyń kópbeıindi oblystyq balalar aýrýhanasy, Qaraǵandy qalasynyń kópbeıindi balalar aýrýhanasy top jardy. 178 aýdandyq aýrýhananyń qyzmetin baǵalaý qorytyndysy boıynsha Qaraǵandy oblysy Abaı aýdandyq aýrýhanasy, Aqtóbe oblysy «Áıteke bı AA» uıymy, «Hromtaý AA» mekemesi úzdik atandy.
MSAK-tiń 385 uıymynyń ishinde menedjment jáne klınıkalyq kórsetkishter boıynsha eń joǵary nátıjege qol jetkizgen 5 úzdik qalalyq emhana anyqtaldy. Olar – Astanadaǵy Respýblıkalyq medısınalyq-sanıtarlyq alǵashqy kómek ortalyǵy, Almaty qalasynyń №17 qalalyq emhanasy, Batys Qazaqstan oblysynyń №4 qalalyq emhanasy, Aqtaýdaǵy «Sofie Medgroup» kópbeıindi klınıkasy» JShS, Pavlodar qalasy ákimdiginiń №3 emhanasy.
2023 jyldan bastap eldegi medısınalyq uıymdardy, ǵylymı zertteý ınstıtýttary men ǵylymı ortalyqtardyń qyzmetin reıtıngtik baǵalaý jańarǵany belgili. Munda óńir men respýblıka deńgeıinde medısınalyq kómek kórsetý beıinderi boıynsha taldaý júrgizýge múmkindik beretin ózekti ádisteme qoldanylady. Bul da bolsa pasıentterge sapaly medısınalyq kómek usynatyn úzdik uıymdardy anyqtaýǵa septigin tıgizedi, reıtıngten qalys qalǵandardy jigerlendiredi.
