Jarystyń ashylý saltanatynda BQO Dene shynyqtyrý jáne sport basqarmasynyń basshysy Baqdáýlet Sábıtov, Qazaq Kuresi qaýymdastyǵynyńbas dırektory Damır Bekbosynov sóz sóılep, jas sportshylarǵa sáttilik tiledi.
«Ulttyq sportty damytý – árbirimizdińmindetimiz. Bizdiń óńirde ulttyq sporttyń damýy endi qarqyn ala bastady. Sondyqtan bar yqylasymyzdy salyp, ony álemdik arenaǵa shyǵarýdy maqsat tutamyz. Eger osy jarysta Batys Qazaqstan oblysynan birneshe jeńimpaz shyǵyp jatsa, álem nemese Azııa chempıonatyn ótkizýdi qolǵa alamyz» dedi D.Bekbosynov.
«Oral» sport klýbynyń dırektory Orynbasar Ǵılymov óz sózinde aýdaryspaq, báıge túrleri, dástúrli sadaq atý, jamby atý, jekpe-jek, kókpar,toǵyzqumalaq atty ulttyq sport túrlerin barynsha damytýdy qolǵa alǵandaryn tilge tıek etti.
«Babalar izi» lıgasyn byltyr bastaǵanbyz. Ol kezde qalalyq deńgeıde ótti. Bıyl endi lıganyń aýqymyn úlkeıteıik degen maqsatta jaqyn aımaqtaǵy aýdandardan qatysýshylar shaqyrttyq. Iаǵnı qazirgi tańda oblystyq jarysqa aınaldy. 20 naýryzda bastaý alǵan lıga bir aıǵa sozylady. Bunyń basqa jarystardan ereksheligi – bir-eki jaryspen shektelip qalmaıdy. Ár senbi, jeksenbi kezdesken komandalar kelesi demalysqa deıin úzdiksiz daıyndyq jasaıdy. Sol arqyly olardyń qyzyǵýshylyǵy da artyp jatyr» dedi ol.
Sonymen jastar arasyndaǵy el birinshiligi tartysqa toly ótip, jalǵashqy kúni qyzdar arasynda bas júldeni 60 kelide Aqbota Smatalı (Jetisý oblysy), 65 kelide Aıaýlym Balǵabaeva (Jambyl), 70 kelide Aqbota Qydyráli (Túrkistan), +70 kelide Nargız Orazbekova (Astana) jeńip aldy.
Jigitter arasynan 90 kelide Erasyl Merjanov(Abaı), 100 kelide Erdáýlet Qalmyrza (Túrkistan), +100 kelide Meıirhan Beısenáli (Túrkistan) oza shaýyp, chempıon atandy.
Chempıonattyń ekinshi kúni batysqazaqstandyqElnara Anarbekqyzy jergilikti jankúıerlerdi qýantyp, 48 keli salmaq dárejesinde jeńis tuǵyryna kóterildi. Odan bólek, 44 kelide Jansaıa Tadjımova(Qyzylorda), 52 kelide Alıra Shegelekova (Abaı), 56 kelide Gúlnaz О́mirbek (Túrkistan) jeńimpaz bolsa, jigitter syndarynda Erasyl Baqdáýlet (Jambyl) 72 keli, Bekzat Maqsutov (Abaı) 78 keli, Sultan-Beıbarys Qaıratuly (Abaı) 84 keli salmaq dárejelerinde aldyna jan salmady.
