Foto: Ashyq derekkóz
Kókshetaý qalasynyń turǵyny Qaǵıra Rahımova elý jylǵa jýyq bilim berý salasynda eńbek etken eken. Ortalyq ashylǵan kúnnen bastap birneshe úıirmege qatysyp júr.
«Úıde otyryp qalsaq, jalqaýlanyp ketemiz ǵoı, az qozǵalamyz. Al, jattyǵý jasap turmasaq serpilis qaıdan bolsyn?», deıdi ol.
Jańa ortalyqqa kelýshiler sany kún saıyn kóbeıip keledi. Qarttardyń kóńilin kóterip, densaýlyqtaryn nyǵaıtýǵa barlyq jaǵdaı jasalǵan. Úıirmeniń 11 túri bar.
«Buryn úıde jaı jattyǵý jasaýshy edim, myna jerde tamasha eken. Memlekettiń qamqorlyǵyna myń da bir alǵys», deıdi Zastansıonnyı kentiniń turǵyny Roza Qojahmetova.
Qazir Kókshetaý qalasynda otyz myńǵa jýyq zeınetker bar. Belsendi ómir súrý ortalyǵy kúnine 150 adamdy qabyldaıdy.
