Birneshe taýar sanaty boıynsha baǵanyń turaqty tómendeýi tirkelgen.
- Máselen, bıylǵy jyldyń basynan bastap jumyrtqa baǵasy 3,0%-ǵa tómendedi. Bul taýar halyqtyń rasıonyndaǵy negizgi taýarlardyń biri jáne onyń turaqty baǵa dınamıkasy úkimet pen bıznestiń birlesken jumysynyń nátıjesi, – dep jazylǵan habarlamada.
Eske salaıyq, bıylǵy jyldyń aqpan aıynda saýda jáne ıntegrasııa mınıstrligi, salalyq qaýymdastyqtar jáne saýda jelileriniń ókilderi arasynda memorandýmǵa qol qoıyldy. Oǵan sáıkes S1 sanatyndaǵy jumyrtqanyń eń joǵarǵy satý baǵasy QQS esebimen bir danasyna 55 teńgeden aspaıtyn kólemde belgilendi.
Osy sharalardyń arqasynda sáýir aıynda jumyrtqa baǵasynyń ındeksi turaqty bolyp qaldy, al sońǵy aptanyń qorytyndysy boıynsha (8-15 sáýir aralyǵynda) baǵa ózgermedi. Mysaly, 2025 jyldyń qańtar aıynda S1 sanatyndaǵy 10 jumyrtqanyń ortasha baǵasy 548 teńgeni, aqpanda – 546 teńgeni, naýryzda – 536 teńgeni, al sáýirde – 531 teńgeni qurady.
Sonymen qatar, myna taýarlar arzandaǵan:
Kúrish – jyl basynan beri 4,7%-ǵa;
Un – 1,8%;
Qaraqumyq jarmasy – 0,3%.
Súzbe, kúnbaǵys maıy jáne "rojkı" sııaqty mańyzdy ónimderdiń turaqty baǵasy baıqalady – sońǵy aptanyń qorytyndysy boıynsha baǵa ındeksteri ózgerissiz qaldy nemese 0,1% shamaly aýytqýdy kórsetti.
Sonymen qatar, kókónis baǵasynyń ortasha ósýi baıqalady:
Qyryqqabat – 3,5%;
sábiz – 1,6%;
pııaz – 1,8%;
kartop – 1,7%.
Saýda komıtetiniń málimetinshe, kókónis tobyndaǵy baǵanyń ósýi maýsymdyq kezeńge baılanysty. Ádette maýsymaralyq saqtaý men logıstıka shyǵyndarynyń artýyna oraı kókónis baǵasynda ózgerister bolady.
