Polısııa qyzmetkerleri Arman Quttybaı men Jánibek Shakırov ortalyq bazar mańynda bala joǵalǵany týraly habarlama alǵan. Kórsetilgen mekenjaıǵa jedel jetken tártip saqshylary kóshe boıynda jylap turǵan balany jáne onyń jalǵyz júrgenin, anasyn izdep júrgenin aıtqan áıeldi kezdestirdi.
Jaǵdaıǵa birden ún qatqan polıseıler balany sabyrǵa shaqyryp, qyzmettik kólikke otyrǵyzdy. Kóńilin aýlap, senimin arttyrý maqsatynda oǵan patrýldik kóliktiń ishki qurylysyn kórsetip, jabdyqtarmen tanystyrdy. Keıin olar bazar aýmaǵyn birge aralap shyqqan.
Biraz ýaqyttan soń sabasyna túsken bala anasymen jıi baratyn dúkenderdi eske túsirip, polıseılerge aıtyp berdi. Osy aqparatqa súıene otyryp, tártip saqshylary saýda úılerin aralap, anasyn tabýǵa sheshim qabyldaǵan.
“Býrabaı” saýda úıinde balany satýshylardyń biri tanyp, anasy onyń turaqty satyp alýshysy ekenin aıtyp, dereý baılanysqa shyqty. Polıseıler anasynyń kelýin kútip, balany óz qolyna tabystady.
Al bul ýaqytta anasy da balasyn shyr-pyr bolyp izdep júr eken. Áıel saqshylarǵa beıjaı qaramaı, qoldaý kórsetkeni úshin alǵys aıtty.
