Jeńistiń 80 jyldyǵyna oraı Áýlıeata óńirinde birqatar sharalar ótkizildi. Atap aıtqanda, Sh. Ýálıhanov atyndaǵy Jambyl oblystyq ámbebap ǵylymı kitaphanasy Taraz qalasyndaǵy «Keleshek-Taraz» ǵylymı-ıntellektýaldy mektep-lıseıinde Uly Otan soǵysyndaǵy Jeńistiń 80 jyldyǵyna jáne Keńes Odaǵynyń Batyry, jazýshy B. Momyshulynyń 115 jyldyǵyna oraı «Taý tulǵa, dara tulǵa – Baýyrjan» atty jyljymaly kitap kórmesin uıymdastyrdy.
Kórme barysynda B. Momyshulynyń ómiri men shyǵarmashylyǵy, Uly Otan soǵysy taqyrybyna jazǵan eńbekteri jáne ol týraly jazylǵan estelikterden quralǵan 5 stellaj jasaqtaldy.
«Bıyl Uly Otan soǵysyndaǵy Jeńiske 80 jyl tolyp otyr. Bul kún bizge qaharman jaýyngerlerdiń erligi jáne tyl eńbekkerleriniń eren eńbeginiń arqasynda keldi. Bizdiń oblystan 100 myńnan astam adam maıdan dalasyna attanǵan. Biz A. Sýhambaev, S. Shákirov, B. Momyshuly, Y. Súleımenov sııaqty batyr babalarymyzdyń erligin eshqashan umytpaımyz. Búgingi is-sharamyzdyń maqsaty da – osy», deıdi kórme jetekshisi Sh. Kóshenova.
Bul kúni tarazdyq jastar Aýǵan soǵysy ardagerleri turatyn úılerdiń aýlalarynda tazalyq jumystaryn júrgizse, Talas aýdanynda Aýǵan soǵysy ardagerlerimen kezdesý uıymdastyryldy.
Aıta keteıik, búginde oblys boıynsha 6 soǵys ardageri jáne 1 447 tyl eńbekkeri bar. Barlyq soǵys ardagerine bir rettik qarjylaı áleýmettik tólem (5 mln teńge) tólendi.
Jambyl oblysy
