Foto: Turizm jane sport ministrligi
Sporttyq gımnastıka: Dohada (Qatar) ótken Álem kýbogi kezeńinde Mılad Karımı kerme jáne erkin jattyǵýda top jarsa, Narıman Qurbanov at snarıadynda qola medal ıelendi.
Áýesqoı boks: Bakýdegi «Jibek joly» týrnırinde Qazaqstannyń erler jáne áıelder quramasy 4 altyn, 2 kúmis, 12 qola júlde jeńip aldy. Sondaı-aq Reseıde ótken týrnırde otandastarymyz 2 altyn, 4 kúmis jáne 5 qola medal enshiledi.
Ústel tennısi: Alan Qurmanǵalıev ústel tennısinen Fransııanyń Mes qalasynda WTT Youth Star Contender Metz týrnırinde top jardy.
Shahmat: Grekııada rapıdten ıýnıorlar arasyndaǵy álem birinshiliginde otandyq shahmatshylar 6 altyn jáne 1 qola medal jeńip aldy.
Velotrek: Gonkong qalasynda (QHR) velotrekten ótken Hong Kong International Track Cup halyqaralyq týrnırinde ulttyq qurama sportshysy Ramıs Dinmuhametov omnıým baǵdarlamasynda máre syzyǵyn birinshi bolyp kesti.
Karate: Kaırdegi Premer-lıga básekesinde Qazaqstan quramasy 1 altyn, 1 kúmis medal jeńip aldy.
At sporty: Tashkentte Álem kýbogi kezeńinde ulttyq qurama sportshysy Ksenııa Batalova eki kúmis júlde oljalady.
Kórkem gımnastıka: Bakýde Álem kýboginde Qazaqstan quramasy 5 lenta jattyǵýynda 21.850 upaı jınap, qola júlde enshiledi.
