Foto: Oqu-agartu ministrligi
Búginde bilim berý uıymdarynda 1 000-nan astam pedagog-kásibı baǵdar berýshi eńbek etip jatyr. Forýmǵa barlyq óńirden kelgen 200-ge jýyq maman qatysty. Olar kásibı baǵdar berý júıesindegi ózekti ózgerister men zamanaýı tásilderdi talqylady.
«Mamandyq tańdaý – árbir adamnyń ómirindegi mańyzdy sheshim. Bul rette mektep barynsha qolaıly orta qalyptastyrýy tıis. Mınıstrlik osy baǵytta naqty qadamdar jasap jatyr. Atap aıtqanda, bıylǵy naýryz aıynda ár mektepke pedagog-kásibı baǵdar berýshi úshin jeke shtat birligin bólý týraly buıryq qabyldandy. Qazir mektepterde 1 159 kásibı baǵdar berýshi jumys isteıdi. Jańa oqý jylynda olardyń sany 7 920-ǵa deıin artady dep kútilip otyr», dedi Oqý-aǵartý vıse-mınıstri Edil Ospan.
Sala mınıstrliginiń baspasóz qyzmetiniń málimdeýinshe forým aıasynda oqýshylar men ata-analarǵa arnalǵan bilim kórmesi ótti. Kórmege Qazaqstan men sheteldiń jetekshi joǵary oqý oryndary qatysty. Kanada, Ulybrıtanııa, Italııa, AQSh, Qytaı, Gonkong, BAÁ ýnıversıtetteri ózderiniń oqý baǵdarlamalaryn usynyp, qatysýshylarǵa daıyndyq baǵyttary, qabyldaý sharttary jáne bolashaqta suranysqa ıe mamandyqtar týraly jan-jaqty aqparat berdi. Uıymdastyrýshylardyń aıtýynsha, kórmege 1 000-nan astam adam kelgen.
Eske salaıyq, 2025 jyl Memleket basshysynyń bastamasymen Jumysshy mamandyqtary jyly bolyp jarııalandy. Atalǵan forým kásibı baǵdar berý júıesin damytýǵa yqpal etetin bilim men tájirıbe almasýǵa arnalǵan ashyq alańǵa aınaldy.
