О́tken aptada Garvard ýnıversıteti Donald Tramp ákimshiliginiń barlyq DEI (ártúrlilik, teńdik jáne ınklıýzıvtik) saıasatyna qatysty baǵdarlamalardy toqtatý jáne kampýs aýmaǵynda maska taǵýǵa tyıym salý týraly talaptaryn qabyldamaı tastaǵan bolatyn.
Sonyń saldarynan bılik ókilderi Garvardqa buryn bólingen 9 mıllıard dollardyń ishinen 2,2 mıllıardyn qysqartyp tastap, ýnıversıtetti salyq jeńildikterinen jáne sheteldik stýdentterdi qabyldaý múmkindiginen aıyrýmen qorqytty.
Donald Tramp prezıdenttik qyzmetin bastaǵaly beri bilim berý salasyndaǵy solshyl ıdeologııa men antısemıtızmge qarsy kúresip keledi. Ol Gazadaǵy qaqtyǵys bastalǵannan keıin kúsheıgen stýdenttik kampýstardaǵy jappaı antı-ızraıldik narazylyqtardy osyndaı tendensııalardyń kórinisi dep sanaıdy.
Uqsas talaptar men qarjylyq toqtatýlar Prınston men Kolýmbııa ýnıversıtetteri sekildi basqa da joǵary oqý oryndaryna baǵyttalǵan. Alaıda Garvard – bul áreketterge alǵashqylardyń biri bolyp sot arqyly jaýap qatqan oqý orny.
Aıta keteıik, Garvard – federaldy úkimetke baǵynbaı qoıǵan alǵashqy ýnıversıtet. Qazir ol 2,2 mıllıard dollar kólemindegi grant qarjysynyń toqtatylý qaýpimen betpe-bet kelip otyr.
