Foto: ashyq derekkóz
Anyqtalǵandaı, belgisiz tulǵalar áıeldiń atyna tórt túrli bankten nesıe rásimdep, jalpy somasy 9 mıllıon teńgeni ıemdenip ketken. Atalǵan faktige sáıkes Qylmystyq kodekstiń 190-baby boıynsha tergeý jumysy bastaldy.
Budan bólek Oral qalasynyń 51 jastaǵy turǵyny da alaıaqtardyń qurbanyna aınalǵan. Ol ózin quqyq qorǵaý organdary men banktiń qaýipsizdik qyzmetiniń ókili retinde tanystyrǵan adamdarǵa 600 myń teńge aýdaryp jibergen.
«Qaskóıler kóbine UQK nemese bankterdiń qaýipsizdik qyzmeti ókilderi retinde qońyraý shalyp, azamattardyń esepshottaryna qaýip tónip turǵanyn alǵa tartyp, senimine kiredi. Sodan keıin túrli syltaýmen qupııa aqparatty alyp, qarjyny óz esepshottaryna aýdarady. Osyǵan baılanysty polısııa departamenti azamattarǵa banktik karta derekterin, SMS-kodtardy jáne qupııa sózderdi bógde adamdarǵa jarııa etpeýdi eskertedi», delingen polısııa taratqan málimette.
Quzyrly organ turǵyndardy kıberqylmystarǵa qarsy qyraǵylyq tanytýǵa shaqyryp otyr.
