Ákim aǵanyń ózi týraly da, shyǵarmashylyǵy týraly da kóp sóz aıtýǵa bolady. Qazaq ádebıetinde alyptar tobynan keıin kelgen bir shoǵyr talanttarmen birge shyqty. Áýezovtiń dárisin tyńdaǵan az jazýshynyń biri boldy. Qaıbir jyly meniń «Án salýǵa áli erte» degen romanymdy oqýǵa aparyp bergen edim. Sonda shyǵarmamdy bastan-aıaq yqtııatpen oqyp, izinen ergen inilerine asqan janashyrlyqpen qarap, jyly sózin aıamap edi. Romandy tup-týra bir aı oqyǵan. Men qaljyńdap: «Aǵa, kishkentaı romandy nege bir aı oqydyńyz?» dep edim, «Aınalaıyn, meni asyqtyrma. Meniń tabıǵatym solaı. Kezinde «Abaı jolyn» tórt aı, «Tynyq Dondy» tórt aı oqyǵam. О́ıtkeni qoljazbany attap oqysań, keı sóılemderi qalyp qoıady. Avtordyń negizgi oıy sol sóılemde bolýy múmkin. Sondyqtan men bárin asyqpaı oqımyn», dep edi. Sonda jazýshynyń aǵalyq iltıpatyn, aıaly alaqanyn erekshe sezindim. Ákim aǵa ózi de «Andreı» degen áńgimesiniń qoljazbasyn oqytqan bolatyn. Astanada ótip jatatyn túrli mádenı-rýhanı is-sharadan da meni qaldyrmaıtyn. Meniń paıymymsha, Ákim Tarazı – sońǵy demi taýsylǵansha qolynan qalam túspegen jazýshy. Jaqynda ǵana «Egemen Qazaqstan» gazetine jarııalanǵan Nurǵısa Tilendıev týraly essesi qandaı ǵajap.
Taý-tulǵanyń qazaqqa bergeni orasan. Asyl aǵamyzdy eshqashan umytpaımyz. Qımaımyz. Arda azamattyń aldy jaryq bolsyn!
Qýanysh JIENBAI,
Halyqaralyq «Alash» ádebı syılyǵynyń laýreaty
