Oqıǵa bylaı bolǵan: aldyn ala málimetterge sáıkes, jábirlenýshi áleýmettik jelide tanysýǵa arnalǵan arna arqyly bir qyzben sóılesken. Hat almasý kezinde qyz ony óz úıine kezdesýge shaqyrǵan. Alaıda kórsetilgen mekenjaıǵa kelgen kezde, páterge belgisiz úsh jigit basa-kóktep kirip, jábirlenýshini syrtqa shyǵaryp, ózderin qyzdyń aǵasy retinde tanystyryp, qorqytyp aqsha talap etken.
Qoryqqan jábirlenýshi telefonyn kúdiktilerdiń birine bergen, ol bank qosymshasy arqyly óziniń shotyna aqsha aýdaryp alǵan.
Batys Qazaqstan oblysy polısııa departamentiniń uıymdasqan qylmyspen kúres basqarmasy qyzmetkerleri osy oqıǵaǵa qatysqan adamdardy túgel anyqtady. Qazir olar tutqynǵa alynyp, bopsalaý faktisi boıynsha qylmystyq is qozǵalǵan.
Joǵaryda aıtylǵandaı, bes kúdiktiniń tórteýi — Oral qalasyndaǵy kolledj stýdenti, olardyń biri — sol kezdesýge shaqyrǵan qyzdyń ózi. Polısııa tergeý jumysyn jalǵastyryp jatyr.
