Vedomstvo Túrkııa bıliginiń aqparaty boıynsha 23 sáýirde Ystambul mańynda magnıtýdasy 6,2 baldyq jer silkinisi bolyp, artynan aftershoktar jalǵasyp jatqanyn málimdedi.
- Qazir Túrkııa aýmaǵyndaǵy Qazaqstan azamattarynan Ystambul qalasyndaǵy QR Bas konsýldyǵyna ótinishter túsken joq. QR Syrtqy ister mınıstrligi Túrkııa bıligimen jáne Qazaqstannyń Túrkııadaǵy dıplomatııalyq ókildikterimen birlesip, ahýaldyń damýyn qadaǵalap otyr. Ystambul qalasyndaǵy QR Bas konsýldyǵynyń konsýldyq esebinde 1137 Qazaqstan azamaty tirkelgen. Otandastarymyzdy sabyrlyq tanytyp, qaýipsizdik sharalaryn saqtaýǵa, sondaı-aq, jergilikti bılik organdarynyń nusqaýlaryn múltiksiz oryndaýǵa shaqyramyz, - dep jazylǵan habarlamada.
Buǵan deıin Túrkııada 6,2 baldyq jer silkinisi bolǵany habarlandy. Aldymen Sılıvrı jaǵalaýynda magnıtýdasy 3,9 bolatyn jer silkinisi tirkelgen. Odan keıin magnıtýdasy 6,2 bolatyn ekinshi zilzala tirkeldi. Jer silkinisi shamamen 10 sekýnd boıy sezilgen. Qurbandar men qıraǵan ǵımarattar týraly aqparat joq.
