Endi mine, jaqynda Arab memleketiniń Dýbaı qalasynda ótken aǵylshyn tili jáne mentaldy arıfmetıka boıynsha halyqaralyq jarysta Shalqar aýdanynyń oqýshylary júldeli oryndardy ıelenip qaıtty. Olardy atap aıtsaq, №8 orta mektebiniń oqýshylary Aıana Amanjolova I oryndy, Raıan Ánes II oryndy ıelendi. III oryndy №2 mektep-gımnazııasynyń oqýshysy Albatyr Qambar men №1 mektep-gımnazııasynyń oqýshysy Sezim Súndetbaı jáne №8 orta mektebiniń oqýshysy Aqerkem Jadyrasyn jeńip aldy.
– Zeıindi oqýshylar baq synaǵan bul halyqaralyq jarysqa Úndistan, О́zbekstan, Qyrǵyzstan syndy túrli elderden kelgen álem tilderine júırik balalarmen básekege túsken oqýshylarymyz saıys barysynda keremet áserge bólenip, ózge eldiń mádenıeti men tilimen, dástúrimen tanysyp, kókjıekterin keńeıtip qaıtty. Olar árqaısysy bul jarysqa da úlken senimmen bardy. Alaıda ár elden qatysatyn órenderdi tanystyrar sátte sol eldiń ánurany oryndalyp, erekshe qurmet kórsetiledi eken. Osy sátte oqýshylarymyz sál tolqydy. «Bul elge kelip, baq synaýlaryńnyń ózi úlken jeńis» dep, men olardy jigerlendirdim. Degenmen úmitimiz aqtalyp, barlyq oqýshymyz joǵary bıikten kórindi, –deıdi «Akzer_english» oqý ortalyǵynyń jetekshisi Aqzer Súgiralına.
«Ustazy myqtynyń ustamy myqty» demekshi, shalqarlyq oqýshylardy aǵylshyn tilin úıretýde atalǵan oqý ortalyǵynyń jetekshisi Aqzer Aqylbekqyzynyń da eńbeginde aıta ketken jón. Ol 2012–2013 oqý jylynda Q.Jubanov atyndaǵy Aqtóbe ýnıversıtetiniń shetel tili: eki shetel tili mamandyǵyn qyzyl dıplommen aıaqtaǵan. Osy jyly atalǵan oqý ornynyń fılologııa mamandyǵy boıynsha magıstratýraǵa túsip, 2015 jyly gýmanıtarlyq ǵylymdardyń magıstri akademııalyq dárejesi boıynsha úzdik bitirgen. Aqtóbe qalalyq jáne oblystyq úsh tildi «Tildaryn» baıqaýlarynyń I oryn ıegeri. 2018 jyly Bilim jáne ǵylym mınıstrliginiń birlesken jobasy aıasynda jáne dúnıejúzilik banktiń qarjylandyrýymen júzege asqan «Zhas Project» baǵytymen 1 mıllıon teńge grant utyp alyp, oǵan aǵylshyn tilin úıretý ortalyǵyn ashady. Búginde bul ortalyqta turaqty 80 oqýshy aǵylshyn tilin úırenip otyr.
Shaǵyn ortalyqtan qosymsha shet tilin úıretip, álem elderinde ótetin bilim básekesinde shákirtteriniń baǵyn synatyp júrgen Aqzer Aqylbekqyzynyń eńbegine ata-analar qaýymy dán rıza. Abyroımen alys sapardan kele jatqan jeńimpaz oqýshylardy Shalqar temirjol vokzalynan úlken saltanatpen kútip alyp, qurmet kórsetýi – sonyń bir kórinisi.
Muhtar MYRZALIN
Aqtóbe oblysy,
Shalqar qalasy
