«Dostyq» ordenimen marapattady 

Elbasy Nursultan Nazarbaev Eýropalyq komıssııanyń burynǵy tóraǵasy Joze Manýel Barrozýdy qabyldady, dep habarlady Prezıdenttiń baspasóz qyzmeti. Memleket basshysy Qazaqstan men Eýropalyq odaq arasyndaǵy ózara qarym-qatynasty nyǵaıtýǵa qosqan eleýli úlesi úshin J.Bar­ro­zýǵa alǵys aıtty. – Eýropalyq komıssııaǵa Siz tóra­ǵalyq etken kezde Qazaqstan men Eýroodaq arasyndaǵy taýar aına­­lymy on ese artty. Sizdiń pár­men­di yqpalyńyz, dostyq kómegińiz arqy­ly biz Qazaqstan men EO-nyń keńeı­tilgen seriktestigi jáne ynty­maq­tastyǵy týraly kelisim joba­syna qatysty kelissózder aıaqtal­ǵany jónindegi qujatqa qol qoı­­dyq. Eý­ro­palyq odaq bizdiń ne­giz­­gi saý­da seriktesimiz bolyp qala ber­­mek, – dedi Qazaqstan Prezı­denti. J.Barrozý óz qyzmetine joǵary baǵa bergeni úshin Nursultan Na­zar­baevqa rızashylyq bildirip, Qazaqstan men Eýroodaq arasyn­daǵy seriktestik budan ári  óristep, onyń aıasy keńeıe beredi dep úmittenetinin jetkizdi. – Eýropalyq komıssııanyń tóra­ǵasy retinde men Qazaqstan men Eýroodaq arasyndaǵy tyǵyz seriktestikti qoldaý úshin qajet bolǵan bar kúsh-jigerimdi saldym jáne ózimniń oǵan qosqan úlesimdi zor maqtanysh tutam. Sondaı qarym-qatynas ornatý úshin Sizdiń tikeleı atsalysýyńyz da óte mańyzdy boldy, – dedi Eýropalyq komıssııanyń burynǵy tóraǵasy. Kezdesý barysynda Memleket basshysy halyqtar arasyndaǵy dostyq pen yntymaqtastyqty nyǵaıtýǵa qosqan úlesi úshin J.Barrozýdy I dárejeli «Dostyq» ordenimen marapattady. Sýretterdi túsirgender S.BONDARENKO, B.OTARBAEV.