Fotolar: T.Tanybaev. Májilistiń baspasóz qyzmeti
«Asa kórnekti jazýshy, dramatýrg, Eńbek Eri Ákim Tarazıdiń dúnıeden ótýine baılanysty qaıǵylaryńyzǵa ortaqtasyp, kóńil aıtamyn.
Ákim Tarazı búkil sanaly ǵumyryn sóz ónerine arnaǵan, tól ádebıetimiz ben mádenıetimizdi tórge ozdyrǵan ultymyzdyń birtýar perzenti edi. Daryndy qalamger qazaq prozasynyń kókjıegin keńeıtti, ulttyq kıno jáne dramatýrgııa salasyna ólsheýsiz úles qosty.
Asyl muratynan eshqashan aınymaǵan qalam ıesin kózi qaraqty oqyrman «Ádebıet áleminiń Ákimi» dep ardaq tutty, zııaly qaýym onyń shyǵarmashylyǵymen qatar adamgershilik qasıetterin erekshe baǵalady.
О́negeli ómir súrip, sońyna mol mura qaldyrǵan Ákim Tarazıdiń jarqyn beınesi halqymyzdyń júreginde máńgi saqtalady», delingen Prezıdenttiń kóńil aıtýynda.
Májilis spıkeri Memleket basshysy Ákim Tarazı shyǵarmashylyǵyna árqashan erekshe qurmetpen qaraıtynyn atap ótti. Osydan birer jyl buryn eli aldyndaǵy eńbegin úshin jazýshyǵa «Eńbek eri» ataǵy berilgen edi.
Erlan Qoshanov Ákim Tarazıdyń artynda qalǵan mol murasy urpaqtan urpaqqa rýhanı azyq bolaryn aıtty.
Qoshtasý rásimine jazýshynyń týǵan-týystary men jaqyndary, Qazaqstan Jazýshylar odaǵynyń basshylyǵy men músheleri, memlekettik organdardyń ókilderi, elimizdiń shyǵarmashyl zııaly qaýymy qatysty.
