Mamyr aıynda barlyq mereke apta ortasyna túsip otyr: 1 mamyr – beısenbi, 7 mamyr – odan keıingi aptanyń sársenbisi, al 9 mamyr jumaǵa sáıkes keledi. Osyǵan baılanysty Eńbek jáne áleýmettik qorǵaý mınıstrligi demalys kúnderin aýystyrý týraly sheshim qabyldaýy múmkin.
«Qazaqstan Respýblıkasyndaǵy merekeler týraly» zańnyń 3-babyna sáıkes 2025 jyly qazaqstandyqtar úsh merekeni toılaıdy:
- Qazaqstan halqynyń birligi kúni – 1 mamyr (beısenbi);
- Otan qorǵaýshy kúni – 7 mamyr (sársenbi);
- Jeńis kúni – 9 mamyr (juma).
Osylaısha, qazaqstandyqtar:
bes kúndik jumys aptasy boıynsha: 1 mamyrda demalady, 2 mamyr – jumys kúni, 3 jáne 4 mamyr – kúntizbelik demalys kúnderi, 5 jáne 6 mamyr – jumys kúnderi, 7 mamyr – merekelik demalys kúni, 8 mamyr – jumys kúni, 9, 10, 11 mamyr – merekelik demalys kúnderi.
alty kúndik jumys aptasy boıynsha: 1 mamyr – merekelik demalys, 2 jáne 3 mamyr – jumys kúnderi, 4 mamyr – demalys kúni, 5 jáne 6 mamyr – jumys kúnderi, 7 mamyr – merekelik demalys kúni, 8 mamyr – jumys kúni, 9 mamyr – demalys, 10 mamyr – jumys, 11 mamyr – kúntizbelik demalys kúni.
Degenmen mamyrda kásibı jáne basqa merekeler atalyp ótedi. Jumys kúnderine qaramastan, ol merekelerdi qatysy bar kásip ıeleri atap ótedi.
Kásibı merekelerdiń tizimi QR Eńbek jáne áleýmettik qorǵaý mınıstri mindetin atqarýshynyń 2023 jylǵy 17 qarashadaǵy №480 buıryǵynyń redaksııasynda jarııalanǵan jáne onyń alǵashqy resmı jarııalanǵan kúninen bastap kúshine engen.
17 mamyr – Baılanys qyzmetkerleri kúni;
21 mamyr – Mádenıet jáne óner qyzmetkerleri kúni;
25 mamyr (mamyr aıynyń sońǵy jeksenbisi) – Hımııalyq ónerkásip qyzmetkerleri kúni.
