О́ner ujymy halyqaralyq «InClassica International Music Festival» jobasy aıasynda bedeldi «Zabeel Theater» sahnasynda klassıkalyq mýzyka konsertteriniń negizgi orkestri retinde óner kórsetti.
Mádenı is-sharaǵa Qazaq memlekettik sımfonııalyq orkestrimen birge Qazaqstannyń Eńbek Eri áıgili skrıpkashy Aıman Musaqojaeva da qatysty.
Gastroldik sapar elimizdiń álemdik arenadaǵy mádenı ımıdjin nyǵaıtyp, Qazaqstan men Birikken Arab Ámirlikteri arasyndaǵy dıplomatııalyq baılanysty kúsheıtý maqsatynda uıymdastyrylyp otyr.
«InClassica International Music Festival» mýzykalyq festıvali – halyqaralyq joǵary deńgeıdegi bedeldi joba. Oǵan álemniń túkpir-túkpirinen orkestrler qatysyp, klassıkalyq mýzykanyń úzdik ártisterimen bir sahnada óner kórsetedi.
Aıta keteıik, óner ujymy buǵan deıin Mádenıet jáne aqparat mınıstrliginiń qoldaýymen Anglııa, Fransııa, Chehııa, Italııa, Germanııa, Aýstrııa, Reseı, Ońtústik Koreıa, Túrkııa, Japonııa elderiniń úzdik konserttik zaldarynda óner kórsetken bolatyn. Sondaı-aq orkestr klassıkalyq mýzykaǵa arnalǵan kóptegen halyqaralyq festıvalge qatysyp keledi. Osy ýaqyt aralyǵynda sımfonııalyq orkestr elimiz ben shetelderde kórermenniń ystyq yqylasyna bólenip, kásibı mamandardyń joǵary baǵasyna ıe bolyp júr.
Marjan QÝATQYZY
