Zań • 25 Sáýir, 2025

Bas prokýratýra jelide taraǵan beınejoldaýdy tekseredi

60 ret

kórsetildi

1 mın

oqý úshin

Bas prokýratýranyń Jambyl oblysy boıynsha Departamenti qyzmetkeri A.E. Kojabekovanyń «Tik Tok» áleýmettik jelisinde Departamenttiń qyzmettik máselelerine qatysty kópshilik aldynda aıtylǵan sózi medıakeńistikte keń taralyp jatyr. Búgin Bas prokýratýra osyǵan qatysty málimdeme jasady, dep jazady Egemen.kz.

Dana MYRZAQADIR

Bas prokýratýra jelide taraǵan beınejoldaýdy tekseredi

Foto: vıdeodan alynǵan kadr

Jambyl oblysy boıynsha Quqyqtyq statıstıka jáne arnaıy esepke alý komıteti Departamenti qyzmetkeriniń buqaralyq aqparat quraldary men áleýmettik jelilerde taralǵan beınejoldaýlarǵa qatysty Bas prokýratýra tekserýdi bastaǵan.

«Bas Prokýrordyń tapsyrmasy boıynsha aıtylǵan ýájderdi tekserý úshin Jambyl oblysyna Bas prokýratýranyń Ishki qaýipsizdik departamenti men tıisti qurylymdyq bólimshesiniń qyzmetkerleri, sondaı-aq Komıtet Tóraǵasynyń orynbasary kiretin jumys toby jiberildi», delingen habarlamada.

Al óńirdegi mekeme 22 sáýir kúni departament qyzmetkeriniń ýáji rastalmaǵanyn habarlaǵan.

«Ishki qaýipsizdik basqarmasy beıindi bólimshemen birlesip, aryzdanýshynyń ýájderine qatysty tekserý júrgizdi, nátıjesinde aıtylǵan faktiler rastalmady», delingen Bas prokýratýranyń Quqyqtyq statıstıka jáne arnaıy esepke alý jónindegi komıtetiniń habarlamasynda.