- 2025 jylǵy jasóspirimder arasyndaǵy III Jazǵy Azııa oıyndary 22-31 qazan aralyǵynda Bahreınniń astanasy – Manamada ótetin boldy. Jarysta jeńil atletıka, badmınton, basketbol (3x3), at sporty, kıbersport, mýaı-taı, golf, gandbol, dzıýdo, djıý-djıtsý, aralas jekpe-jek, velosport, júzý, ústel tennısi, taekvondo, trıatlon, kúres, aýyr atletıka, kabaddı, voleıbol, tekbol, jaǵajaı voleıboly sekildi 14 sport túrinen júldeler sarapqa salynady. Bul básekelerde 14-18 jas aralyǵyndaǵy jetkinshekter baq synaıdy. Esterińizge sala keteıik, jazǵy Azııadanyń alaýy alǵash ret 2009 jyly Sıngapýrde tutansa, odan keıingi dodany 2013 jyly Qytaıdyń Nankın qalasy qabyldady. Bıylǵy jarys áý basta Tashkentte uıymdastyrylady dep josparlanǵan edi. Keıinnen О́zbekstan jaǵy jarysty ótkizýden bas tartty.
- Mysyrdyń Hýrgada qalasynda ártistik júzýden ótken Álem kýboginde Edýard Kım qola medal ıelendi. Tehnıkalyq baǵdarlamada óner kórsetken ol 211,2383 upaı jıdy. Jerlesimiz qytaılyq Me Go (224,5450 upaı) men ulybrıtanııalyq Ranjo Tomblınnen (218,7650 upaı) ǵana qalyp qoıdy. Jarysta Aldııar Ramazanov altynshy orynǵa taban tirese, Vıktor Drýzın segizinshi satyǵa jaıǵasty.
- Tanymal latvııalyq maman Leonıd Tambıev kelesi aıda shaıbaly hokkeıden Shvesııa men Danııada jalaýy jelbireıtin álem chempıonaty qarsańynda elimizdiń ulttyq quramasynyń bas bapkeri Oleg Bolıakınniń kómekshisi bolyp taǵaıyndaldy. 54 jastaǵy Baltyq jaǵalaýynyń ókili ár jyldary birqatar memlekette jattyqtyrýshylyq qyzmet atqardy. Kezinde Qaraǵandynyń «Saryarqasynyń» bas bapkeri de boldy. Bul kúnderi Tambıev Vladıvostoktyń «Admıralyn» jattyqtyrady.
