Sýret: inbusiness.kz
Top otyrysyna Kólik prokýratýrasynyń, Kólik, Ishki ister mınıstrlikteriniń, Tehnıkalyq retteý jáne metrologııa komıtetiniń, «Azamattarǵa arnalǵan úkimet» memlekettik korporasııasynyń laýazymdy tulǵalary qatysty.
Otyrysta halyqaralyq avtokólik tasymaldary jáne kólik quraldaryn tirkeý salasyndaǵy memlekettik qyzmetter kórsetý sapasyna qatysty máseleler qaraldy. Agenttiktiń osy salada júrgizgen baqylaý is-sharalary nátıjesinde merzimderdiń saqtalmaýy, artyq qujattardyń talap etilýi, negizsiz bas tartýlar jáne qyzmet kórsetý tártibiniń buzylýyna qatysty 1 800-den asa buzýshylyq anyqtaldy.
Talqylaý barysynda ótinimderdi qaraý merzimderiniń keshigýine, tasymaldaýshylar jumysynyń qıyndaýyna sebep bolyp otyrǵan aqparattyq júıelerdegi jıi tehnıkalyq aqaýlar, ýákiletti organdar men sala ókilderi arasyndaǵy is-qımyldardyń jetkiliksiz ashyqtyǵy jáne úılesimsizdigi syndy júıeli máselelerge erekshe nazar aýdaryldy.
Otyrys qorytyndysynda aqparattyq júıelerdiń turaqty jumysyn qamtamasyz etý jáne olardy ıntegrasııalaý boıynsha naqty usynystar aıtyldy.
Agenttik memlekettik qyzmetter sapasyn baqylaý jáne qyzmet alýshylardyń quqyn qorǵaý baǵytynda júıeli jumys júrgizýdi jalǵastyrady.
