Tatýlyq tórge ozdyrady

Assambleıanyń qury­lymyn­da aqsaqaldar keńesi, analar keńesi, jastar ortalyqtary bar. Aqsaqaldar bıylǵy Ju­mysshy mamandyqtary jylyn dárip­tep, jastardyń arasynda úgit-nası­hat jumystaryn júr­gizip kele­di. Analar keńe­si óz kezegin­­de otbasylyq qundylyqtar­­dy dáripteýge kúsh salady. Qazir ásirese otba­syndaǵy zorlyq-zombylyq problemasy ózekti bolyp tur­ǵany belgili. Jastar jaǵy da qol qýsyryp otyrmaı, óz múm­kindikterine qaraı elimizdiń damýyna septigin tıgizip jatyr. Olar ásirese qazaq tilin úırený men úıretý jaǵyn birjola qolǵa alǵanyn aıtty.

Qasym-Jomart Kemeluly Assambleıanyń 30 jyldyq mereıtoıyna arnalǵan jıynda «Taza Qazaqstan» aksııasyna aıryqsha toqtaldy. Bunyń ıdeologııalyq máni zor bastama ekenin kórip otyrmyz. Prezıdent aıtqandaı, «Taza Qazaqstan» árkimniń óz otbasynan bastaý alady. Úıde taza bolǵan adam keıin óskende ary da taza bolady. Otanyn súıetin, halqyn qurmetteıtin, eli men jerin ushpaqqa shyǵaratyn azamat osylaı qalyptasady.

Sonymen qatar jıynda eldegi ıdeologııalyq jumystarǵa basa nazar aýdaryldy. QHA-nyń etno­mádenı ortalyqtary, Dostyq úıleri bar. Olar buryn jaı ǵana dekoratıvti mýzeı retinde jumys istep, ár etnos óziniń tilin, mádenıetin, salt-dástúrin damytatyn bolsa, qazir jańasha túrlenip, tek óz tili men mádenıetin úıret­peı, jalpyqazaqstandyq qun­dylyqtar men biregeılikti de úıretip jatqanyn bilemiz.

Osy oraıda til máselesine toqtala ketsem. Prezıdent óz sózin­de qazaq tiliniń etnosaralyq tilge aınalatynyn aıtty. Qazir­gi tańda biz bul úrdis elimizdiń ońtústik óńirinde sátti júzege asyp jatqanyn kórip otyrmyz. О́zbekter, tájikter, uıǵyrlar qazaq tilin erkin meńgerip, ózara memlekettik tilde sóılesedi. Bul elimizde tildik ıntegrasııa joǵary ekenin kórsetedi. So­nymen qatar mádenı, salt-dástúr turǵysynan da dıasporalar arasynda jaqyndasý bolyp jatyr. Mysaly, Prezıdent aıtqan­­daı, Naýryz – tek qazaqtyń me­re­ke­si emes. Ony qazir bar­lyq ult ókilderi toılaıdy. Dinı merekeler kezinde de ustanǵan senimi men dúnıetanymyna qaramastan barlyq turǵyn bir-birin quttyqtap, ózara jyly lebiz bildirip jatady. Munyń bári elimizde ultaralyq tatýlyq joǵary deńgeıde qalyptasqanyn kórsetedi.

Ǵalı Dinmuhammed,

Qoldanbaly etnosaıası zertteýler ınstıtýty ortalyǵynyń dırektory