Máýlen Áshimbaev kóńil aıtý kitabyna jazba qaldyryp, Pontıfıktiń ádilettilik pen meıirimdilik qaǵıdattaryn dáripteýge jáne dinder men mádenıetter arasyndaǵy dıalogti damytýǵa úlken úles qosqanyn atap ótti. Sondaı-aq Senat spıkeri Rım Papasy Fransısktiń 2022 jyly Astanaǵa jasaǵan apostoldyq sapary jáne Álemdik jáne dástúrli dinder kóshbasshylarynyń VII sezine qatysýy tarıhı oqıǵaǵa aınalǵanyna nazar aýdardy.
Palata tóraǵasy nýnsımen suhbat barysynda Pontıfık Qazaqstandy «áralýandyqta bir-birin tyńdap, qurmetteıtin kezdesýler eli» dep ataǵanyn tilge tıek etip, onyń bizdiń el týraly aıtqan sózderin otandastarymyz árdaıym erekshe yqylaspen eske alatynyn jetkizdi.
Aıta keteıik, buǵan deıin Qazaqstan Prezıdenti Qasym-Jomart Toqaev Rım Papasy Fransısktiń qaıtys bolýyna baılanysty kóńil aıtty. Memleket basshysy Pontıfıkti gýmanızmniń, ádilettiliktiń jáne meıirimniń izgi murattaryn ilgeriletýge ólsheýsiz úles qosqan asa kórnekti rýhanı tulǵa jáne beıbitshiliktiń uly jaqtaýshysy ekenin aıtqan edi.
