11 qabatty turǵyn úıdiń qurylysy 2023 jyly bastalǵan bolatyn. Ázirge aıaqtalar túri kórinbeıdi. Saryarqa shaǵyn aýdanynda A jáne B pozısııalaryndaǵy eki turǵyn úıdiń qurylysy 2021 jyly bastalǵan. Paıdalanýǵa berilý merzimi – bıylǵy jyl. Merdiger uıymnyń ókilderi birinshi pozısııadaǵy kóp qabatty turǵyn úıdiń qurylys jumystarynyń keshigýi jumys kúshiniń jetpeýine baılanysty dep túsindiredi. Qazirgi tańda qurylys jumystarynyń 60 paıyzy ǵana oryndalǵan. Ekinshi turǵyn úıdegi qolbaılaý syrtqy ınjenerlik jelilerdiń joqtyǵy. Qurylys materıaldaryn jetkizýge baılanysty da birqatar máseleler týyndap otyr. Osy eki saqaldy qurylystyń salmaǵy elge túspeı, ýaqytynda tyńǵylyqty aıaqtalsa, júzden astam qala turǵyny arzan baspana alyp, qonys toıyn toılar edi.
Qala ákimi Ánýar Kúmpekeevtiń málimdeýinshe, Saryarqa shaǵyn aýdanynda birqatar kúrdeli nysandar bar. Tuǵyn úılerdiń jumysynyń qojyraýy merdiger uıymdardyń ózara úılesimdi jumys istemeýinen kórinedi. Ári joba qujattary da tolyq emes. Injenerlik kommýnıkasııalardyń bolmaýy jumys qarqynyna áser etýde.
Kókshetaý.
