Foto: Aqorda
Qasym-Jomart Toqaev tiltanýshy jáne ádebıettanýshy, Memlekettik syılyqtyń ıegeri Seıit Qasqabasovtyń qaıtys bolýyna baılanysty onyń otbasy men jaqyn-jýyqtaryna kóńil aıtty.
«Seıit Asqaruly ult rýhanııatyn ulyqtap, qazaq aýyz ádebıetin tereń zerdeleýge bar sanaly ǵumyryn arnaǵan zııaly tulǵa edi. Ásirese, otandyq folklortanýǵa ólsheýsiz úles qosty. Irgeli eńbekter jazyp, ulaǵatty ustaz retinde kóptegen shákirt tárbıeledi. О́negeli ómir súrip, sońyna rýhanı mol mura qaldyrǵan Seıit Asqarulynyń jarqyn beınesi umytylmaıdy», dep jazylǵan jedelhatta.
