Maıdan dalasynan oralmaǵan bozdaqtar elde qalǵan balalarynyń máńgilik saǵynyshyna aınaldy. Al qan maıdannan aman kelgen jaýyngerler eldiń eńsesin tikteýge belsene aralasty. Soǵysta shyńdalǵan qaısar minez ben eńbekke degen shynaıy yqylas olardyń árbir isinen kórinis tapty. Olar urpaq ósirdi, balalaryna otansúıgishtik pen adaldyq úlgisin kórsetti. Tirshiliktiń qaı salasynda bolsyn – egin basynda da, bilim ordalarynda da, óndiris oshaqtarynda da maıdangerlerdiń tabandy eńbegi eldiń damýyna serpin berdi.
Qazirgi urpaq asqaq, adal eńbekti tý etken sol qaharman atalarǵa qaryzdar. Búgingi nómirimizde biz sondaı taǵylymǵa toly taǵdyrlar, maıdanger ákeler men olardyń ómir jolyn jalǵaǵan urpaq jóninde syr shertemiz.
