Curanystan týǵan startaptar

«Smart Zebra»

Qazir balalardyń beı­ne­oıyndarǵa áýestigi ata-analar­dyń negizgi ýaıymyna aınaldy. «Áleýmettik jeli jetkinshektiń minez-qulqyna, tanym-túsinigine, mentaldi hám fızıkalyq saýlyǵyna teris áser etip jatyr», dep dabyl qaǵady áke-sheshe. Úlkenderdiń ózi de kúndiz-túni «WhatsApp» aqtaryp, «Instagram» qoparyp, vırtýaldy álemge qashan ári qalaı batyp ketkenin baıqamaı qalǵanda, balalardyń telefonǵa táýeldili­gin toqtatý tipti qıyn ekeni aıtpasa da túsinikti. Ǵalamat jetistik retin­de jarnamalanyp jatqany­men, beıneoıyndar túgili, «YouTube» arnalaryndaǵy mýltfılm­der de balaǵa aqyl qospaıdy, onyń qııalyn baıytpaıdy, sózdik qoryn damytpaıdy, synı oılaýǵa baýlymaıdy.

Osyny eskergen «Smart Zebra» joba­synyń avtorlary bal­dyrǵandardyń smartfonǵa táýel­diligin azaıtýǵa arnalǵan mobıldi qosymsha oılap tapty. Iá, gadjetke táýeldilikti dál sol qurylǵy ar­qyly jeńý birtúrli kereǵarlyq sııaqty kórinýi múmkin. Biraq «qardyń basyn qar alar» degendeı, telefonǵa baılanǵan balany smartfondaǵy qyzyqty ári paıdaly kontentpen baýraı bilý kerek. Atalǵan qo­symsha mýltfılm­der men oıyndarǵa balama retinde bilim mazmunyn usynady. Ol balanyń sóıleý qa­biletin damytyp, oı-órisin keńeıtedi jáne ıntellektýaldyq deń­geıin arttyrady. Qa­zir­gi ýaqytta bul qosym­sha­nyń ıgiligin myńnan asa baldyrǵan kórip otyr.

Jobanyń avtory Baǵlan Aıazbaev qosymshany áýeli balalaryna, sodan keıin dostaryna kórsetken. Startaptyń rasymen paıdaly ekenin uqqan soń, ol qosymshany «App Store»-ǵa jarııalap, kópshilikke usynǵan.

«Kontenttiń barlyǵyn ózimiz ázir­ledik. Qazir qorjynymyzda eki jyl boıy jınaǵan myńnan astam aýdıofaıl men anımasııa bar. Kontent mazmunyn álde de baıytyp kelemiz. Jaqynda qosymshaǵa qarjylyq saýat taqy­rybyn qostyq, ıaǵnı aqsha qalaı paıda boldy, eresekter ony qaıdan alady, aqshamen ne isteýge bolady degen suraqtardyń jaýabyn bala­larǵa qyzyqty etip túsindiremiz. Qazir qosymshada osyn­daı 10 taqyryp bar. Baıqaǵanymyz, bala­larǵa adam denesi men dıno­zavrlar týraly kontent kóbirek unaıdy. Biz áýelden otandyq naryqty nazar­ǵa aldyq, sondyqtan qosym­shanyń tolyqtaı qazaq tilin­degi mazmuny bar. Suranys meıli az bolsyn, meıli kóp bolsyn, qazaqsha kontent mindetti túrde bolýy kerek. Jaqynda ózbekstandyq bala orys tilindegi barlyq taqy­rypty kórip shyqqanyn, qazir qazaq tilindegisin kórip júr­genin aıtty. Onyń anasy bizge ózbek tilindegi nusqasyn ja­saýdy surap hat jazdy, al bala­sy qazaq tilindegi sózderdi úıre­nip alypty», deıdi joba jetekshisi.

Osylaısha, startap avtorlary qazirgi gadjetke táýeldi ur­paqtyń bolashaǵyna beıjaı qaramaı, ýaqyt talabyna saı, zamanaýı ári tárbıelik máni zor ınnovasııalyq sheshim usyndy.

 «Squares.kz»

Osy kúni toı, trenıng, kórme, foto­tú­sirilim sekildi túrli is-shara ­uıymdastyrýǵa keń ári yńǵaıly lokasııa tabý – ońaı sharýa emes. Saǵat­tap izdeıtin, telefonmen san ret habarlasatyn, bos kúndi naqtylaı almaı, aqyr sońynda kelisimge kele almaı qalatyn kez kóp. Osy olqy­lyqtyń ornyn tolyqtyrý maq­sa­tynda qurylǵan «Squares.kz» star­tapy – dál qazirgi naryq­qa qajetti ári sura­nysqa ıe joba.

Jobanyń negi­zin qalaýshylar Qasym Qabylǵalı men Danııl Mas­kevıch­tiń aıtýynsha, «Squares.kz»-tiń basty ereksheligi – plat­formanyń paıda­la­nýshy­larǵa óte yńǵaı­ly ári túsinikti bolýynda. Qandaı da bir is-shara uıymdastyrǵysy kelgen adam osy júıege qonaqtar sanyn, mereke­niń qandaı formatta ótetinin, basqa da usynystaryn engizse bolǵany, «Squares.kz» dereý suranysyńyzǵa qaraı birneshe nusqany al­­dyńyzǵa ja­ıyp salady. Ári qa­raıǵy tańdaý jasap, brondaý, tólem jasaý sekildi úderister de ońaılatylǵan. Buryn mundaı izdeý júıesi birneshe saǵatqa sozylatyn. Endi bári bir platformada shoǵyrlanǵandyqtan, búkil úderis 5–10 mınýttan aspaıdy.

Jobanyń negizin qalaýshy Qasym Qabylǵalıdiń aıtýyn­sha, kez kelgen adam osy saıt­qa kirip, platformanyń jańa nusqasyn qoldanyp kóre alady.

«Paıdalanýshy lokasııany brondap, sol jerge bardy delik. Eger qyzmet kórsetý sapasyna kóńili tolmasa, tapsyrystan bas tartyp, aqshasyn qaıtara alady. Sonymen qatar klıentterdiń pikiri de eskeriledi. Máselen, eń alǵash­qy jaǵymsyz pikir jazyl­ǵan kezde ǵıma­rattyń reıtıngi tómen­deıdi. Sóıtip, ol mekeme tizimniń ortasyna qaraı qul­dılaıdy. Ekinshi kezeńde eń sońǵy orynǵa jaıǵasady. Bul jaǵdaı úshinshi ret qaıtalansa, ol oryn platformadan múldem óshi­riledi. Osy­laısha, bizdiń qosymshada úzdik lokasııalar ǵana irikte­lip qalady. Bul júıe­men jumys isteıtin elimizde biren-caran ǵana básekelesimiz bar. Olar – ádette «Olx» nemese «Krysha.kz» sııaqty habarlandyrý platformalary. Munda klıent­ter ǵımarat ıesine telefon soǵyp, «WhatsApp» arqyly foto jiberip, sosyn kezdesip, tólem jasap jatady. Biraq bul – eskirgen model», deıdi Qasym Qabylǵalı.

Qazirgi tańda «Squares.kz» «Astana Hub» pen «Google for Startups» uıym­dastyrǵan «Silkway Accelerator» baǵdar­­lamasynyń úshinshi legine qatysyp, marketıng, qarjy, klıentpen jumys syndy baǵytta bilimin tereńdetip, jobany jańa deńgeıge kótergen. Atalǵan platforma – naryqtaǵy olqylyqty kórip, naqty suranysqa saı qurylyp otyrǵan zamanaýı ári ómirsheń joba. Tek tabys tabýdy emes, qoǵamnyń suranysyn óteýdi kózdeıtin mundaı startaptar elimizdiń sıfrlyq áleýetin jańa beleske kótereri anyq.

 «Zoob.kz»

Qajetti qural-jabdyqtar men medı­sı­­nalyq materıaldardy senimdi kózden, qolaıly baǵamen jyldam tabý ­– elimiz­degi stomatologııalyq klını­kalar­dyń basty qıyndyǵynyń biri. Taýar tasy­maldaıtyndarǵa qońyraý shalyp, baǵa­lar­dy salystyrýǵa, jabdyqtardyń sapasyn any­q­taýǵa, kelisimsharttardy rásimdeýge biraz ýaqyt ketedi. Jaqynda osy máseleni sheshý nıetimen «Zoob.kz» startapy quryl­ǵan edi.

Jobanyń negizin qalaýshy – Mádı Aǵataev. Ol medısına salasynda 10 jyldan astam eńbek etken, 7 jyl boıy stomatologııa baǵytynda jumys istegen. Sonymen qatar stomatologııalyq jabdyqty jet­ki­ze­tin ońtústikkoreıalyq kompanııada biraz tájirıbe jınaǵan. Osylaısha, saladaǵy kemshilikterdi kózi­men kórgen kásipker naqty qajet­tilikke saı ónim jasaýdy maqsat etken. Sonyń nátıjesinde «Zoob.kz» jobasy dúnıege keldi.

«Biz medısınalyq taýarlar nary­ǵynyń ashyq, qaýipsiz ári tolyq zańdy bolýyn qalaımyz. Sebebi naryqtaǵy ónimderdiń aıtarlyqtaı bóligi kúmándi. Tipti keıbir jasandy taýarlar ýákiletti organdardan qaımyqpaı, ashyq túrde saýdalanyp jatyr. Sondyqtan biz zańdy túrde tirkel­megen jáne sapasyz taýarlarmen jumys istemeımiz. Bolashaqta el naryǵyn osyndaı kúmándi taýarlardan tazartýǵa bastamashy bolǵymyz keledi. Barlyq stomatologııalyq emhana tek sertıfıkattalǵan ónimderdi satyp alýy kerek dep esepteımiz, al naýqastar tek joǵary sapaly ári dáleldengen dári­lermen emdelýge tıis. Bizdiń mıssııamyz osy», deıdi Mádı Aǵataev.

Onyń aıtýynsha, elimizde stoma­tologııalyq emhanalarǵa zat jet­kize­tinder kóp emes. Naryqta shamamen 100–150 kompanııa bar. Bul – kúndelikti tutyný naryǵymen salys­tyr­ǵanda óte az kór­setkish. Sala shaǵyn bolǵanymen, suranys joǵary. Biraq eń basty másele – qajetti zatty jyldam ári bir jerden satyp alý múmkindiginiń joq­tyǵy. Al «Zoob.kz» osy máseleni tolyq sheshýge umtylyp otyr.

Ýaqyt pen qarjyny únemdeýdi, sapa men senimdilikti qalaıtyn stomatologter úshin bul – taptyrmas qural. Qazirgi tańda «Zoob.kz» elimizde suranysqa ıe bolyp keledi. Aldaǵy ýaqytta kompanııa О́zbekstan men Qyrǵyzstan naryǵyna shy­ǵýdy kózdep otyr.