Ataqty Maıkl Djeksonnyń qolǵaby aýksıonda 64,8 myń dollarǵa baǵalandy

ASTANA. 1 tamyz. Ataqty pop-ánshisi, marqum Maıkl Djeksonnyń óner kórsetken kezderi sahnaǵa kıip júrgen aq qolǵaby aýksıonda 64,8 myń dollarǵa satyldy. Bul týraly ras.kz habarlady. Onlaın-aýksıon sıpatynda ótken sharany AQSh-tyń Los-Andjeles qalasyndaǵy Neıt Sanders aýksıon úıi júrgizgen. Onyń starttyq baǵamy 20 myń dollardan bastalǵan. Ázirge jeńimpazdyń esimi aıtylmaı otyr. Alaıda, aýksıon kezinde satyp alýshylar 8 ret baǵa usynysyn qoıǵan. Aıta keteıik, Maıkl Djekson oń qolyna aq qolǵap kıip, sahnaǵa birinshi ret 1983 jyly shyqty. Keıin, 1999 jyly suhbat alý kezinde jýrnalıster odan nege qolǵaptyń bireý ekenin suraǵanda, ol: «Nege bireý deısiz be? Sebebi, bireý degen ekeýge qaraǵanda, erekshe kórinedi ǵoı», – dep jaýap bergen. 1984 jyly Djekson qolǵabyna óziniń tapsyrysy boıynsha kóptegen polotno saldyrǵan. Al keıbir qolǵaptaryn naǵyz óner týyndysyna aınalǵan sýretshi Pol Bedardqa syıǵa tartqan. Mýzyka álemi tarıhyndaǵy eń jarqyn juldyzdardyń biri bolǵan Maıkl Djekson 2009 jylǵy 25 maýsymda 51 jasynda ómirden ótti. Onyń Thriller degen albomy barlyq ýaqyttar men halyqtar arasynda eń kóp satylǵan kúıtabaq retinde Gınnestiń rekordtar kitabyna tirkeldi. Talǵat Raıymbek. Derek, sýret: ras.kz.