Premer-mınıstrdiń orynbasary – Ulttyq ekonomıka mınıstri Serik Jumanǵarın memlekettiń ekonomıkadaǵy úlesin tómendetý, orta bıznestiń IJО́-ge úlesin arttyrý boıynsha júrgizilip jatqan jumys týraly baıandady. Memlekettiń ekonomıkaǵa qatysýyn tek áleýmettik mańyzy bar jáne strategııalyq sektorlarmen shekteý josparlanyp otyr. Básekelestikti qorǵaý jáne damytý agenttiginiń tóraǵasy Marat Omarov básekelestiktiń damýyn tejeıtin kedergilerdi joıý boıynsha qabyldanyp jatqan is-sharalar týraly aıtty.
Otyrys qorytyndysy boıynsha memlekettiń qatysýymen jekeshelendirýge, biriktirýge nemese taratylýǵa jatatyn 475 kásipkerlik sýbekt tizimi bekitildi. Jumys 2030 jylǵa deıin kezeń-kezeńimen iske asyrylady. Bul rette kásiporyndardyń jartysynan kóbi 2025–2026 jyldarǵa arnalǵan is-sharalar josparyna engizilgen.
Premer-mınıstr Jarlyqtyń belgilengen merzimde júzege asyrylýy keregin basa aıtty.
