Jaǵalaýdan quryqsalym uzap shyqqan soń úsh bala túnergen tuńǵıyqtan qorqyp, jaǵalaýǵa júzip jetken. Katamaranda eki bala qalyp qoıady. Olardyń bireýi múlde júzý bilmeıdi eken. Qatty daýyl katamarandy jaǵadan shamamen 500 metrge uzatyp alyp ketedi. Jaǵalaýda qalǵan balalar qutqarýshylardy shaqyrypty.
– Qutqarýshylar teplovızorly drondy qoldandy, – deıdi oblystyq tótenshe jaǵdaılar jónindegi departamentiniń resmı ókili Ersaıyn Qoıshybaev, – balalar tez tabylyp, jaǵaǵa shyǵaryldy. Ata-analaryna eskertý jasaldy. Oqyrmandardyń esterine sala keteıik, sý aıdyndarynda qaýipsizdik qaǵıdalaryn buzǵan nemese oryndamaǵan jeke tulǵalarǵa jeti aılyq eseptik kórsetkish kóleminde aıyppul salý kózdelgen.
Serýendeımin dep sergeldeńge ushyraǵan balalardyń kórer jaryǵy bar eken. Bir qaýipten aman qaldy.
Aqmola oblysy,
Býrabaı aýdany.
