Qosshy qalasynyń sý qubyry júıesiniń qurylysyn aıaqtaýǵa 476 mıllıon teńgeden astam qarajat qarastyrylǵan. Qazir elý shaqyrymǵa jýyq qubyr tartyldy. Jeliniń jalpy uzyndyǵy 64 shaqyrym tóńireginde. Nysandy jyl sońyna deıin tapsyrý kózdelip otyr. Qoldanystaǵy ınjenerlik jeli 30 myń turǵynǵa eseptelgen. Resmı derekterge qaraǵanda, búgingi kúnniń ózinde Qosshyda elý myńnan astam turǵyn tirkelgen. Aldaǵy ýaqytta qala turǵyndarynyń sany áli de ósedi dep kútilýde.
–Qosshy qalasyndaǵy sý qubyry qurylysynyń tórtinshi kezeńi júrgizilýde, – deıdi oblystyq energetıka, turǵyn úı-kommýnaldyq sharýashylyǵy basqarmasy basshysynyń orynbasary Marat Júnisov.
Makınsk qalasyndaǵy sý qubyry jelilerin qaıta jańǵyrtý jumystary qolǵa alynǵan. Bul qalada 73 shaqyrymǵa jýyq jeli tartylmaq. Buǵan deıin bólingen qarajat esebinen 45 shaqyrymdyq jeli jumysy aıaqtaldy. Memlekettik qordan bólingen 606 mıllıon teńgege jobany tolyq aıaqtap, qala turǵyndaryn aýyz sýmen qamtamasyz etpek.
Aqmola oblysy
