Foto: Turizm jane sport ministrligi
Áýesqoı boks: Iordanııada 15-17-ge deıingiler arasyndaǵy Azııa básekesinde Qazaqstan quramasy boksshylary 16 altyn, 15 kúmis, 13 qola júlde enshiledi.
Júzý: Afınada (Grekııa) Acropolis Swim Open 2025 jarysynda Qazaqstan quramasy jalpykomandalyq esepte 3 altyn, 3 kúmis, 2 qola medalmen 2-oryn bıiginen kórindi.
Dzıýdo: Ábıba Ábýjaqynova Tájikstannyń Dýshanbe qalasynda Grand Slam týrnırinde qola júlde jeńip aldy.
Taekvondo: Qytaıdyń Ýsı qalasynda klýbtar arasyndaǵy 13-shi Azııa chempıonatynda Qazaqstan komandasy 2 altyn, 1 kúmis, 4 qola medalǵa qol jetkizdi.
At sporty: Tashkentte konkýrdan ótken Maxima Masters Eýrazııa týrnıriniń komandalyq serııasy men Álem kýbogi kezeńderinde otandyq sportshylar 6 kúmis pen 5 qola medal ıelendi.
Aýyr atletıka: Perý astanasy Lımada ótip jatqan jasóspirimder arasyndaǵy aýyr atletıkadan álem chempıonatynda Qazaqstan sportshylary ázirge 2 altyn medal jeńip aldy.
Tennıs: Ispanııanyń bas shahary Madrıdte ITF W100 týrnırindegi juptyq synda Jibek Qulambaeva úzdik shyqty. Fınalda Qulambaeva men Ýergo ıspanııalyq Marına Bassols pen Andrea Lasaro Garsııany jeńdi. Bul –Qulambaeva men Ýergonyń birge jeńip alǵan besinshi tıtýly eken.
