Bul otandyq bıznesti damytýdyń jalpy tujyrymdamasynyń bir bóligine aınaldy. Osy turǵydan alǵanda, bıyldan bastap kúshine engen «Memlekettik satyp alý týraly» Zańnyń mańyzy joǵary.
Aýyldaǵy kásipkerlerge memlekettik satyp alýǵa qatysý úshin barynsha keń múmkindikter berilip, bul jergilikti ekonomıkanyń ósimi men jumys oryndaryn ashýǵa oń áser etedi.
Bul maqsatta jańa zańda bıýrokratııalyq kedergiler aıtarlyqtaı azaıǵan: ótinish berý jeńildetilip, jergilikti bıznes úshin tıimdi sharttar qarastyrylǵan.
Máselen, atalǵan reformaǵa sáıkes taýarlardy bir kózden 100 AEK-ke deıin, jumystar men kórsetiletin qyzmetterdi 500 AEK-ke deıin satyp alý múmkindigi berilip otyr.
Sonymen qatar aýyl ákimdikteri bir kózden alý tásili boıynsha 4000 AEK deıin taýarlardy, jumystardy ári qyzmetterdi paıdalana alady.
Otandyq taýar óndirýshilerdi qoldaý maqsatynda Qarjy mınıstrligi tek shaǵyn jáne orta kásipkerlik sýbektilerinen memleket esebinen satyp alynatyn taýarlardyń, jumystar men kórsetiletin qyzmetterdiń jekelegen tizbesin bekitti.
Memlekettik satyp alý júıesindegi reformalar fermerler men shaǵyn óndirýshilerdiń ónimderiniń turaqty saýdasyn qamtamasyz etip, jergilikti ekonomıkanyń damýyna jol ashady.
Buǵan qosa aýyldy jerlerdegi shaǵyn bıznesti qoldaý jumys oryndaryn ashýǵa septigin tıgizip, bul shaǵyn eldi mekenderdegi halyqtyń qalaǵa jappaı kóshýin tejeıdi.
