Foto: Ashyq derekkóz
Qala ákimdiginiń habarlaýynsha, 7 mamyr kúni tańǵy saǵat 6:30-dan 8:00-ge deıin A-334 kóshesi – Aqjol dańǵyly – R.Qoshqarbaev dańǵyly – Amanjolov kóshesi baǵytynda, sondaı-aq R.Qoshqarbaev dańǵylynyń J.Nájimedenov kóshesi arqyly jeke quram tasymaldanady.
Saǵat 5:00-den 14:00-ge deıin Q.Qýanyshbaev atyndaǵy Qazaq mýzykalyq-drama teatrynyń aldyndaǵy turaqtarda, Q.Qýanyshbaev kóshesiniń A.Baıtursynuly kóshesinen J.Nájimedenov kóshesine deıingi bóliginde jáne Nurmaǵanbetov kóshesiniń oń jaǵynda ornalasqan avtobýs turaqtarynda jeke quramdy tasymaldaý úshin kólik qozǵalysyna shekteý qoıylady.
Saǵat 5:00-den 13:00-ge deıin Panfılov kóshesiniń Táýelsizdik dańǵylynan Nurmaǵanbetov kóshesine deıingi bóligi jáne Nurmaǵanbetov kóshesiniń Panfılov kóshesinen Raıymbek batyr kóshesine deıingi aralyǵy saltanatty sherýden keıin aýyr júk kólikterin tıeýge arnalǵan arnaıy turaq retinde paıdalanylady.
Sonymen qatar, osy aralyqta Táýelsizdik dańǵylynyń Momyshuly dańǵylynan Panfılov kóshesine deıingi bóligi, Aqyrtas jáne Qaldaıaqov kósheleri, sondaı-aq Qoshqarbaev dańǵyly jabylady. Bul kóshelerde áskerı tehnıka ýaqytsha ornalastyrylady.
Saǵat 7:00-den 14:00-ge deıin B.Momyshuly dańǵyly, 1 mekenjaıynda ornalasqan «Astana Music Hall» avtoturaǵynyń (Qumyra) aýmaǵynda da qozǵalysqa ýaqytsha shekteýler engiziledi.
Kúnniń ekinshi jartysynda, saǵat 12:30-dan 14:00-ge deıin áskerı kolonna Panfılov kóshesi — Nurmaǵanbetov kóshesi — Qoshqarbaev dańǵyly — Aqjol dańǵyly — A-334 kóshesi arqyly bastapqy ornalasý pýnktine qaıta oralady.
Sherý ótetin aýmaqtarda jaıaý júrginshiler qozǵalysyna da shekteýler engizilýi múmkin. Keıbir jaıaý júrginshiler ótkelderi ýaqytsha jabylyp, balama baǵyttarǵa baǵyttalýy múmkin. Qala turǵyndary men qonaqtaryna jol boıyndaǵy belgiler men ýaqytsha nusqaýlarǵa nazar aýdarý usynylady.
Áskerı tehnıkanyń qaýipsiz ári kedergisiz qozǵalýy úshin sherý ótetin ýchaskelerde keıbir baǵdarshamdardyń konsoldik bólikteri ýaqytsha burylatyn bolady.
Barlyq qozǵalys shekteýleri is-sharalar aıaqtalǵannan keıin alynyp tastalady. Quqyq qorǵaý organdary qala turǵyndary men qonaqtarynan qaýipsizdik talaptaryn oryndaýdy suraıdy.
Sonymen qatar, 7 mamyr kúni tómendegi qoǵamdyq kólik marshrýttarynyń qozǵalys syzbasy ýaqytsha ózgeredi: № 3, 4, 4A, 14, 15, 15A, 19, 21, 29, 29A, 30, 32, 40, 43, 47, 50, 51, 55A, 55B, 56, 57, 58, 61, 62, 66, 84, 121, 502, 504.
