Uly Jeńistiń 80 jyldyǵy jáne kórnekti ǵalym, fılologııa ǵylymdarynyń doktory, professor Málik Ǵabdýllınniń 110 jyldyq mereıtoıy aıasynda uıymdastyrylǵan sharaǵa ýnıversıtettiń basqarma basshylyǵy, zııaly qaýym ókilderi, ýnıversıtettiń professorlyq-oqytýshylar quramy jáne bilim alýshy belsendi stýdent jastar qatysty.
Sonymen qatar, ashylý rásimine Málik Ǵabdýllınniń qyzy Maıdan Málikqyzy arnaıy qatysyp, ákesiniń ǵylymı murasyn saqtaý men nasıhattaý baǵytyndaǵy jumystar jaıynda baıandap, onyń ulttyq ǵylym men mádenıetke qosqan ólsheýsiz úlesin atap ótti.
Sondaı-aq, atalǵan is-shara aıasynda Málik Ǵabdýllınniń 1958 jyly jaryq kórgen «Qazaq halqynyń aýyz ádebıeti» atty ǵylymı eńbegi qaıta basyp shyǵaryldy. Bul eńbek - ulttyq rýhanııattyń altyn qoryna engen, ózektiligin áli kúnge deıin joǵaltpaǵan, jas urpaqtyń rýhanı damýyna baǵyttalǵan qundy mura. Ýnıversıtet bul basylymdy qaıta jaryqqa shyǵarý arqyly halyqtyq muralardy dáriptep, stýdentter boıyna ulttyq qundylyqtardy sińirýdi kózdep otyr.
Aıta ketsek, Málik Ǵabdýllın 1944–1951 jyldar aralyǵynda Abaı atyndaǵy QazPI-de (qazirgi - Abaı atyndaǵy QazUPÝ) rektor qyzmetin atqaryp, bilim men ǵylym salasynyń damýyna zor úles qosqan.
