Qazirgi ýaqytta Qazaqstan Respýblıkasynda 2025-2030 jyldarǵa arnalǵan ınklıýzıvti saıasat tujyrymdamasy, «Amanat» partııasynyń 2023-2027 jyldarǵa arnalǵan jol kartasy jáne Memleket basshysynyń tapsyrmasy boıynsha ázirlengen «Halyqpen birge» jobasy iske asyrylýda.
«Amanat» partııasynyń jol kartasynda 2023-2027 jyldar aralyǵynda ınteraktıvti qoljetimdilik kartasyna (budan ári – Karta) engizilgen 42 myńnan astam nysandy beıimdeý boıynsha jumys kózdelgen. Jyl saıyn osyndaı obektilerdiń 20%-y beıimdelýi tıis. Osylaısha, 2023 jyly – Kartadaǵy obektilerdiń 20%, 2024 jyly – 40%, 2025 jyly – 60%, 2026 jyly – 80%, 2027 jyly – 100%-y beıimdeledi. Qazirgi ýaqytta el boıynsha 22 980 nysan tolyqtaı beıimdelgen.
2024 jyldyń sońyna deıin Almaty oblysy boıynsha 330 nysandy beıimdeý josparlanǵan, óńirde 775 nysan beıimdelip, jospar artyǵymen oryndaldy.
Máselen, óńirdegi 775 nysan múgedektigi bar adamdardyń barlyq sanattary úshin qoljetimdi. Olardyń ishinde:
- densaýlyq saqtaý obektileri – 142;
- bilim berý nysandary – 413;
- mádenıetnysandary– 106;
- memlekettik jáne kvazımemlekettik uıymdar – 103;
- sport nysandary – 10;
- áleýmettik qorǵaý obektileri – 1.
«Jalpy qala boıynsha múgedektigi bar adamdar úshin jaǵdaı jaqsaryp, jaıly orta qalyptapsyp keledi. Obektilerdiń ıeleri óz nysandaryn qurylys normalaryna sáıkes keltirý úshin jumystar júrgizýde. Kóptegen kásipkerler men memlekettik organdar shaǵymdar men usynystardy eskere otyryp, kirý toptaryn qalypqa keltirip jatyr. Qonaev qalasynyń 1 shaǵynaýdany 28A ǵımaratynda ornalasqan qalalyq kitaphanasyna barǵanymda, mekemede jasalǵan qoljetimdilikti kórip, erekshe qýandym», – dep bólisti Qonaev qalasynyń turǵyny birinshi topt múgedektigi bar Qaırat Ázirbaı.
Budan basqa, memlekettik baqylaý sheńberinde Halyqty áleýmettik qorǵaý salasyndaǵy retteý jáne baqylaý komıtetiniń Almaty oblysy boıynsha departamenti 2025 jyldyń basynan bastap profılaktıkalyq baqylaý sheńberinde 4 tekserý júrgizdi.
Tekserý qorytyndysy boıynsha anyqtalǵan buzýshylyqtardy joıý týraly 4 nusqama berildi.
Obektilerdiń menshik ıelerine profılaktıkalyq baqylaý júrgizý kezinde buzýshylyqtar alǵash ret anyqtalǵan kezde olardy ákimshilik jaýapkershilikke tartpaı, olardy joıý týraly nusqamalar ǵana engiziletinin atap ótý qajet. Nusqama belgilengen merzimde oryndalmaǵan jaǵdaıda aıyppul salynatyn bolady.
