Shahımardan Qaıdarulyn otandastarymyz qaıtalanbas daýys ıesi ǵana emes, uly Abaıdyń nasıhattaýshysy retinde de jaqsy tanıdy. Abaı shyǵarmashylyǵyn, onyń ishinde Qara sózderi men ánderiniń fılosofııasyn halyqaralyq sahnalarda mýzyka arqyly tereńdete jetkize bilgen birden-bir opera ánshisi. Ol tek opera ánshisi ǵana emes, tanym kókjıegi keń, kórkem oılaýdyń shyńyna shyqqan biregeı óner ıesi, Abaısha oılanyp, Áýezovshe tolǵana alǵan jan.
Jınaq – bir adamnyń ómir joly ǵana emes, tutas bir dáýirdiń mádenı tynysynyń aınasy. Kitapta tulǵanyń shyǵarmashylyǵynan bólek, ánshi týraly jazylǵan maqalalar men zertteýler de toptastyrylǵan.
– Kezinde ǵulama jazýshy Muhtar Áýezov: «Symbatty óner bolmaǵan elde maǵynaly tirshilik joq. Qandaı qaýymdy, qandaı tapty alsaq ta qany men janynyń aınasyn ónerge túsirmeı tura almaıdy. О́nerden qýat almasa tirshiliktiń shamy sóngeni», degen eken. Sondyqtan ónerden asqan ulylyq joq. Al bul eńbek halyqtyń arqasynda kelgen dúnıe, – deıdi mereıtoı ıesi.
PAVLODAR
