Foto:Astana qalasynyń ákimdigi
Ekologııalyq senbilikke 50-ge jýyq belsendi jas qatysqan. Olar tek qalany taza ustaýǵa atsalysyp qana qoımaı, qarttarǵa qamqorlyq tanytyp, ortalyq aýmaǵynda qoqysty jınap, kógaldandyrý jáne abattandyrý jumystaryn júrgizgen.
Shara barysynda jastar qorshaǵan ortaǵa degen jaýapkershilikti arttyrýdyń mańyzyn is júzinde kórsetti.
Is-shara barysynda Jastar saıasaty máseleleri basqarmasynyń jetekshi mamany Álibek Júsipov qatysýshylarǵa arnap sóz sóıledi. Ol bul bastamanyń aǵa býyn ókilderine – ardagerler men tyl eńbekkerlerine qurmet kórsetýge baǵyttalǵanyn atady.
«Bul tek senbilik emes, aǵa urpaqtyń eńbegine taǵzym etý. Kóktem bastalǵaly beri mundaı aksııalar birneshe márte ótti. Biz tek tazalyqpen shektelmeı, jastardyń tarıhqa degen qurmetin oıatyp, olardyń qoǵamdyq keńistikti jaqsartýǵa degen yntasyn arttyrǵymyz keledi» dedi ol.
Shara elordalyq jastardyń belsendiligin kórsetip, ekologııalyq mádenıetti qalyptastyrýǵa baǵyttalǵan mańyzdy bastama retinde ótti.
