Jobany Almaty qalasynyń Tótenshe jaǵdaılar departamenti QR TJM Respýblıkalyq jedel-qutqarý jasaǵymen birlesip júzege asyrdy. Beket №16 órt sóndirý bóliminiń aýmaǵyndaǵy Kishi Almaty shatqaly, Qımasar, Býtakovka, Prosveshenes jáne Kókjaılaý tanymal taý marshrýttarynyń janynda ornalasqan.
Beket jedel áreket etý úshin qajetti barlyq zattarmen, sonyń ishinde arnaıy tehnıkamen, jabdyqtarmen jáne baılanys quraldarymen jaraqtalǵan. Kezekshilikti táýliktiń kez kelgen ýaqytynda oqıǵa ornyna shyǵýǵa daıyn bilikti qutqarýshylar atqarady. Ortasha den qoıý ýaqyty 1,5–2 saǵatqa qysqardy, bul taýly jerlerde óte mańyzdy.
«Medeýde táýlik boıy jumys isteıtin beket qurý — Almaty turǵyndary úshin de, týrıster úshin de qaýipsizdik deńgeıin arttyrýǵa baǵyttalǵan naqty shara», - dep Shyńǵys Árinov atap ótti.
Baqylaý-qutqarý beketin ashý - taýly aýdandarda den qoıýǵa daıyndyqty arttyrý jáne týrıstik maýsymda qaýipsiz demalysty qamtamasyz etý boıynsha keshendi jumystyń bir bóligi.
