Mádenı sharanyń maqsaty – jas býynǵa elimiztarıhyndaǵy aıshyqty oqıǵalardyń mańyzyn ashyp kórsetý jáne ulttyq rýhanı qundylyqtarymyz ben mádenı muramyzdy nasıhattaýǵa, kórnekti tarıhı tulǵalardyń jasampaz isterin óskeleń urpaq boıynda sińirý eken.
Jıyndy ashyp kópshilikke bas qosýdyń mańyzy haqynda túsinik bergen Prezıdenttik ortalyǵy dırektorynyń orynbasary Botagóz Qaıypova: «Biz Otan qorǵaýshylar kúnine jáne Uly Jeńistiń 80 jyldyǵyna arnalǵan saltanatty sharaǵa jınalyp otyrmyz. Sonymen qatar Qosshy aýylynyń týmasy Rahymjan Qoshqarbaevtyń Reıhstagqa Jeńis týyn tikkenine týra 80 jyl tolyp otyr. Batyr atamyzdyń erligin umytpaı jadymyzda saqtaý – bizdiń paryzymyz» dep, sharaǵa jınalǵan qaýymdy arnaıy daıyndalǵan kórmeni tamashalaýǵa shaqyrdy.
Kórme sóresinen Uly Otan soǵysy jyldarynda el qorǵaǵan jaýyngerlerdiń erlik isterin kórsetetin 100-ge jýyq jádiger oryn alypty. Atap aıtqanda, Keńes Odaǵynyń Batyry, Halyq qaharmany, táýelsiz Qazaqstannyń tuńǵysh Qorǵanys mınıstri, armııa generaly S. Nurmaǵambetovtiń ónegeli ómir joly týraly málimetter, soǵys ardageri Aqbek Idirisulynyńfotosýretteri, nagradalary men qujattary, hattary, jeke zattary jáne Qazaqstan Respýblıkasy Qarýly Kúshteriniń qalyptasý tarıhyna qatysty derekti qujattar t.b.
Sonymen qatar, kent turǵyndary men qonaqtar bıyl týǵanyna 115 jyl tolyp otyrǵan ataqty qaharman atamyz Baýyrjan Momyshuly, týǵany 110 jyl tolyp otyrǵan Keńes Odaǵynyń Batyry Málik Ǵabdýlın, týǵany 100 jyl tolyp otyrǵan qazaqtyń batyr qyzy Álııa Moldaǵulova qatarly tulǵalardyń ómir jolyn nasıhattaýǵa arnalǵan «Erlik dastany» atty kóshpeli kórmeni tamashalady.
