Foto: Vıdeodan alynǵan kadr
Aldyn ala málimet boıynsha, joǵalǵan azamat buryn Otar garnızonynda áskerı qyzmet atqarǵan bolýy múmkin degen aqparat taraǵan. Alaıda bul derek ázirge resmı túrde rastalmady. Jetisý oblystyq polısııa departamenti oqıǵa boıynsha is qozǵalǵanyn habarlady.
Aıta keteıik, qazirgi ýaqytta joǵalǵan azamatty izdestirýge 98 adam, 22 tehnıka birligi, onyń ishinde arnaıy júzý quraldary, drondar jáne spýtnıktik baılanys qurylǵylary jumyldyrylǵan. Tótenshe jaǵdaılar departamentiniń málimetinshe, izdestirý jumystary ózen boıymen 35 shaqyrymǵa deıingi aýmaqta júrgizilip jatyr.
Quqyq qorǵaý organdary men TJD joǵalǵan azamattyń otbasyna qoldaý kórsetip, izdestirý nátıjesi boıynsha qosymsha aqparat beretinderin málimdedi.
