Qaraǵandy oblysynyń polısııa departamenti bolǵan oqıǵaǵa oraı túsinikteme berdi. Vedomstvo aýyl ákimine qatysty zorlaýǵa oqtalý deregi boıynsha qylmystyq is qozǵalǵanyn málimdedi.
– Shet aýdanynyń 23 jastaǵy turǵynynyń aryzy negizinde qylmystyq is qozǵaldy. Sol kúni-aq kúdiktini polısııa ustap, ýaqytsha ustaý ızolıatoryna qamady. Sot sanksııasymen oǵan úıqamaq túrindegi bultartpaý sharasy tańdalǵan. Qadaǵalaýshy organ sot alqasyna jeke apellıasııalyq ótinish bildirdi. Qaraý nátıjesinde ótinish qanaǵattandyrylyp, kúdikti qamaýǵa alynatyn boldy. Qazir tergeý amaldary júrgizilip jatyr. Tergeý múddesine baılanysty ózge aqparat jarııalanbaıdy, – delingen habarlamada.
Oblys ákimdiginiń málimetinshe, Nurlan Seıilbekov qazirgi ýaqytta qyzmetinen bosatylǵan.
– Qylmystyq is qozǵalǵan sátte ol aýyl ákimi qyzmetin atqarmaǵan, – deıdi oblys ákimdiginiń baspasóz qyzmeti.
