Soǵan sáıkes senatorlar aldaǵy beısenbide «Akvasharýashylyq týraly» zańdy qaraıdy. Bul qujat jumys istep turǵan óndiristerdi keńeıtý jáne jańalaryn qurý arqyly akvasharýashylyqty turaqty damytýǵa arnalǵan. Sondaı-aq básekege qabiletti akvasharýashylyq nysandarynyń kólemin ulǵaıtý, olardyń adam ómiri men densaýlyǵy jáne qorshaǵan orta úshin qaýipsizdigin arttyrý kózdelip otyr.
Sonymen qatar atalǵan zańǵa ilespe «Qazaqstan Respýblıkasynyń keıbir zańnamalyq aktilerine akvasharýashylyq, agroónerkásiptik keshen, elektr energetıkasy jáne jekelegen ortalyq memlekettik organdardyń fýnksııalaryn qaıta bólý máseleleri boıynsha ózgerister men tolyqtyrýlar engizý týraly» zań da Senat otyrysynyń kún tártibine shyǵaryldy. Qujat normalaryna sáıkes Jer, Orman, Kásipkerlik jáne Ekologııalyq kodeksterge, sondaı-aq Qazaqstan Respýblıkasynyń birqatar zańdaryna ózgerister men tolyqtyrýlar engiziledi.
Buǵan qosa, depýtattar komıtetterdiń osy aptadaǵy otyrystarynda qozǵalatyn taqyryptardy pysyqtady. Sonyń aıasynda sot ákimshiliginiń qyzmeti, quqyq qorǵaý jáne sot qyzmetine jasandy ıntellekt tehnologııalaryn engizý, óndiristik nysandarda órtke qarsy qaýipsizdikti qamtamasyz etý jáne memlekettik-jekeshelik seriktestikti damytý máseleleri talqylandy.
