Aqynnyń bir jyrynda «Aspannyń shańyn shyǵaryp» degen obraz bar, muny qatarymyzda eshkim aıtqan joq. Sondaı-sondaı obrazdy óleńder Temirhanda kóp boldy. Sonymen ol erekshelenip, ortamyzda daralanyp turdy.
Bir ýaqyttarda birshama jyl Mańǵystaý saparyna baryp, sol jaqtan qaıta túlep, múlde basqa Temirhan bolyp oraldy. Almatyda júre bergende bir qalpynda, bir arnada burnaǵydaı júre berer me edi, batys sapary oǵan erekshe áser etti. Onan soń Ábish pen Farızalar Temirhannyń shyǵarmashylyq jolyn qadaǵalap otyryp, qolynan kelgen kómekti aıaǵan joq. О́zi Túrkistanda týsa da, ony kóbi batysta týdy dep shatastyratyn. О́ıtkeni ózi de Atyraýdaı shalqyp, qalqyp erekshe ómir súrdi.
Atyń Temir,
Qatty tıse esinen tandyratyn edi,
Sóziń kómir – Júrekti jandyratyn edi.
Ataq-dańqtyń shappaı ber ıesi bolǵan,
Saǵan baıaǵy kók túriktiń kıesi qonǵan:..
Sen ólgen joqsyń, Temirhan! Barǵan saıyn dańqyń ǵasyrlarǵa ozyp, abyroıyń arta beredi. О́ziń de, sóziń de iri boldy. Aıaǵyń jerde, tóbeń kók tiregen kók túriktiń biri retinde tanyldyń. Táńir seni tóbesine tutsyn, Temirhan! Janyń jánnatta, topyraǵyń torqa bolsyn!
Serik Turǵynbekuly,
aqyn, Halyqaralyq «Alash» ádebı syılyǵynyń laýreaty
