Foto: Polisia.kz
Kıik múıizderin satýmen aınalysty degen kúdikpen Temirtaý qalasynyń turǵyny ustalǵan. Subaru avtokóligin tintý barysynda skotchpen oralǵan úsh karton qoraptan tabylǵan 300-den astam kıik múıizi tárkilenip, sot saraptamasyna jiberilgen.
Polisia.kz-tiń aqparaty boıynsha, kúdiktini – Jetisý oblysy PD uıymdasqan qylmysqa qarsy kúres basqarmasynyń qyzmetkerleri oblys prokýratýrasynyń úılestirýimen jáne QR UQK shekara qyzmeti departamentimen birlesip ustaǵan, aldyn ala esepteýlerge sáıkes memleketke keltirilgen shyǵyn kólemi 539 mıllıon 667 myń teńgeni quraǵan. Tergeý amaldary júrgizilip jatyr.
